Salmus 13 - BIBLIA - traduson antigu in Krioulo

Salmu di Davi pa ŝef di musika.

¹ Te kal dia, SIÑOR? Bu na diskisi di mi pa sempri? Te kal tempu ku bu na sukundi bu rostu di mi?

² Te kal tempu ku N na sta na luta dentru di ña pensamentu, ku tristesa na ña korson kada dia? Te kal dia ku ña inimigu na ngañan?

³ O SIÑOR ña Deus, jubi pa mi, bu kudin. Numia ña uju, pa ka N bin durmi ku sonu di mortu,

⁴ pa ka ña inimigu bin fala kuma i ngañan, pa kilis ku sta kontra mi ka bin kontenti ora ku N kai.

⁵ Ma N fiansa na bu amor, N kontenti na ña korson manera ku bu salban.

⁶ N na kanta pa SIÑOR pabia i fasi bon kusas pa mi. Salmu di Davi pa ŝef di musika.