Salmus 129 - BIBLIA - traduson antigu in Krioulo

Kantiga pa subi pa templu.

¹ Israel, konta kuma ku jinti kastigau manga di bias disna di ocau nobu.

² Disna di ocan nobu, e kastigan manga di bias, ma e ka ngañan.

³ E yabrin cagas na kosta, suma labraduris ta yabri reguas kumpridu,

⁴ ma SIÑOR i justu; i sapan kordas ku jinti mau maran ku el.

⁵ Tudu kilis ku ten odiu di Sion pa e ribantadu ku borgoña;

⁶ pa e sedu suma paja riba di kankra, ku ta seku antis di kirsi.

⁷ Kebradur ka na kansa pa inci si mon ku el; nin kin ku na junta arus ka na pul na si maradura.

⁸ Tambi, kilis ku pasa e ka na fala: “Benson di SIÑOR ta sta riba di bos; anos no na bensua bos na nomi di SIÑOR.”