Salmus 128 - BIBLIA - traduson antigu in Krioulo

Kantiga pa subi pa templu.

¹ Sortiadu i kil ku rispita SIÑOR, i yanda na si kamiñus.

² Bu na kume frutu di bu tarbaju; bu na sta kontenti; kusas na kuriu diritu.

³ Bu minjer na kasa i na sedu suma pe di uva ku ta padi ciu; bu fijus, na roda di mesa, e na kirsi suma plantas di olivera.

⁴ Omi ku rispita SIÑOR, asin ki na bensuadu.

⁵ SIÑOR ta bensuau desdi Sion, pa bu pudi oja kusas na kuri diritu na Jerusalen tudu dia di bu vida,

⁶ tambi pa bu oja fijus di bu fijus. Pas ta sta riba di Israel!