Salmus 125 - BIBLIA - traduson antigu in Krioulo

Kantiga pa subi pa templu.

¹ Kilis ku fiansa na SIÑOR i suma monti di Sion, ku ka ta bulbuli, ma i ta sta firmi pa sempri.

² Suma ku montis sta na roda di Jerusalen, asin ku SIÑOR sta na roda di si pobu, disna di gosi, pa sempri.

³ Omi mau ka na kontinua ten puder di renansa riba di tera ku rapatidu ku sorti pa justus, pa ka justu bin distindi si mon pa fasi mal.

⁴ SIÑOR, fasi ben pa kilis ku sedu bon, ku tene korson retu.

⁵ Kilis ku disvia pa se kamiñus tortu, SIÑOR na leba elis juntu ku kilis ku ta fasi maldadi. Pas ta sta riba di Israel!