Salmus 124 - BIBLIA - traduson antigu in Krioulo

Kantiga di Davi, pa subi pa templu

¹ Si SIÑOR ka staba na no ladu, ke ku na seduba? Israel, ruspundi!

² Si SIÑOR ka staba na no ladu oca ku omis lanta kontra nos,

³ e na ngulinuba bibu oca se raiba na yardiba kontra nos.

⁴ Yagu na kubrinuba; korenti di yagu ta pasaba riba di nos;

⁵ yagu na binba ku forsa, i lebanu.

⁶ SIÑOR mersi ngabadu, pabia i ka disa pa se dintis pañanu.

⁷ No kapli suma kacu ku kapli na armadilia di kil ku misti pañal; armadilia kebradu; anos no kapli.

⁸ No sakur sta na nomi di SIÑOR ku kumpu seu ku tera.