Salmus 123 - BIBLIA - traduson antigu in Krioulo

Kantiga pa subi pa templu.

¹ N yalsa uju pa bo, ku tene tronu na seu.

² Suma ku servus ta pui uju na mon di se dunu, o suma ku bajuda ta pui uju na mon di si mestra, asin ku no ta pui uju na SIÑOR no Deus, te ora ki sinti pena di nos.

³ Ten pena di nos, o SIÑOR, ten pena di nos, pabia no kansa ja di sedu njutidu.

⁴ No farta dimas ku trosa di jinti riku, ku disprezu di jinti orgulyosu.