Salmus 122 - BIBLIA - traduson antigu in Krioulo

Salmu di Davi, pa subi pa templu.

¹ N kontenti oca ke falan: “No bai kasa di SIÑOR.”

² O Jerusalen, ali no pe sta dentru di bu porton.

³ Jerusalen kumpudu suma prasa ku tene kasas pertu di ŋutru.

⁴ Jorsons ta bai la, ku sedu jorsons di SIÑOR, pa gardisi nomi di SIÑOR, konformi ordi ku dadu pa Israel.

⁵ Tronus di julgamentu sta la, ku sedu tronus di kasa di Davi.

⁶ Bo ora pa pas di Jerusalen: “Kilis ku amau, pa kusas kuri elis diritu;

⁷ Pas pa i ten dentru di bu mura, ku suguransa dentru di bu palasius.”

⁸ Pabia di ña ermons ku amigus, N na fala: “Pas pa i sta dentru di bo!”

⁹ Pabia di kasa di SIÑOR no Deus, N na buska ben di bo.