Salmus 120 - BIBLIA - traduson antigu in Krioulo

Kantiga pa subi pa templu.

¹ Na ña kasabi N coma SIÑOR; el i kudin.

² SIÑOR, libran di boka di mintida, ku lingua di nganu.

³ Abo ku ta ngana ku lingua, ke ku Deus na dau? ke mas ki tene pa bo?

⁴ I na kastigau ku fleŝas gudu di tropas, ku brasas di fugu di leña di karbon.

⁵ Koitadi di mi, pabia N sedu ospri na Mesek, N mora na tendas di Kedar.

⁶ N tarda dimas na metadi di kilis ku ka ten nada ku pas.

⁷ Ami i omi di pas, ma, ora ku N papia, elis e ta ntema son pa gera.