Salmus 116 - BIBLIA - traduson antigu in Krioulo

¹ N ama SIÑOR, pabia i obi ña vos oca ku N rogal.

² Manera ki mpina si oreja pa mi, N na comal nkuantu N tene vida.

³ Kordas di mortu maran, mundu di mortu meduñu i toma konta di mi; N kai na kasabi ku tristesa.

⁴ Asin N coma nomi di SIÑOR, N fala: “O SIÑOR, salban!”

⁵ SIÑOR i bon, i justu; no Deus ta sinti pena.

⁶ SIÑOR ta toma konta di jinti simplis; ocan forontadu, el i salban.

⁷ Ña alma, torna fika diskansadu, pabia SIÑOR fasiu ben.

⁸ Abo, SIÑOR, bu salban di mortu, bu libra ña uju di larma, bu libra ña pe di kai,

⁹ pa N pudi yanda bu dianti, SIÑOR, na mundu di jinti bibu.

¹⁰ N fia; e ku manda N papia. N forontaba dimas.

¹¹ N turmenta, N fala: “Tudu jinti i falsu!”

¹² Ke ku N na da SIÑOR pa tudu kusas bon ki fasi pa mi?

¹³ N na toma kopu di salbason, N coma nomi di SIÑOR.

¹⁴ N na kumpri ña votus pa SIÑOR dianti di tudu si pobu.

¹⁵ Jinti ku pertensi Deus, ora ke muri, se mortu ten balur na uju di SIÑOR.

¹⁶ O SIÑOR, N sedu bu katibu; N sedu katibu suma ña mame; bu dismanca korenti ku maran.

¹⁷ N na pursentau sakrifisiu di gardisimentu, N coma nomi di SIÑOR.

¹⁸ N na kumpri ña votus pa SIÑOR dianti di tudu si pobu,

¹⁹ na kasa di SIÑOR, na Jerusalen. Bo ngaba SIÑOR!