Salmus 114 - BIBLIA - traduson antigu in Krioulo

¹ Oca ku Israel, ku sedu jorson di Jakó, sai na Ejitu, na metadi di un pobu ku ta papia utru lingua,

² Judá bin sedu si morada sagradu; Israel bin sedu si renu.

³ Mar oja kila, i kuri; riu Jordon riba tras.

⁴ Montañas jukuta suma karnel, montis pikininu suma karnelsiñus.

⁵ O mar, ke ku ten ku pou bu na kuri? O Jordon, ke ku manda bu riba tras?

⁶ Abos montañas, pabia di ke ku bo jukuta suma karnel? Abos montis pikininu, ke ku manda bo jukuta suma karnelsiñus?

⁷ O tera, tirmi dianti di SIÑOR, dianti di Deus di Jakó,

⁸ kil ku ta bidanta pedra garandi suma lagua, pedra risu suma fonti.