Salmus 113 - BIBLIA - traduson antigu in Krioulo

¹ Bo ngaba SIÑOR! Abos, servus di SIÑOR, bo ngabal; bo ngaba nomi di SIÑOR.

² Nomi di SIÑOR pa i ngabadu disna di gosi, pa sempri.

³ Desdi saida di sol te na si kaida, nomi di SIÑOR dibi di ngabadu.

⁴ SIÑOR i garandisidu riba di tudu nasons; si gloria sta riba di seu.

⁵ Kin ku sedu suma SIÑOR no Deus, ku tene si tronu la riba?

⁶ I ta mpina pa jubi ke ku na pasa na seu ku tera.

⁷ I ta lantanda koitadi na con; kil ku ten falta, i ta tiral na muntudu,

⁸ i ta pui pa i sinta ku ŝefis, sin, ku ŝefis di si pobu.

⁹ I ta pui minjer ku seba pa i sinta na metadi di familia, pa i sedu mame di fijus, i kontenti. Bo ngaba SIÑOR!