Salmus 112 - BIBLIA - traduson antigu in Krioulo

¹ Bo ngaba SIÑOR! Sortiadu i ki omi ku rispita SIÑOR, ku ta kontenti ku si mandamentus.

² Si fijus na ten puder na tera, pabia jorson di omi retu na bensuadu.

³ Si kasa na inci ku rikesa ku tudu kusas bon; si retidon na kontinua pa sempri.

⁴ Mesmu na sukuru, lus ta nasi pa jinti retu, pa algin ki bon, i justu, i ta sinti pena.

⁵ Kusas na kuri ben ku omi ku ta pista ku si libri vontadi, ku ta trata si kusas ku retidon.

⁶ Nunka i ka na bulbulidu; un omi justu na lembradu pa sempri.

⁷ I ka na ten medu di notisia mau; si korson sta firmi, ku fiansa na SIÑOR.

⁸ Si korson sta suguru; i ka na medi, tok i pudi oja si inimigus batidu.

⁹ I ta da ciu pa koitadis; si retidon na kontinua pa sempri; i na garandisidu ku gloria ku puder.

¹⁰ Omi mau na oja kila, i na paña raiba, i na ñeme dintis, i na magrisi. Kusas ku jinti mau na pera ka na da rusultadu.