Salmus 110 - BIBLIA - traduson antigu in Krioulo

Salmu di Davi.

¹ SIÑOR fala ña Siñor: “Sinta na ña direita tok N pui bu inimigus suma tapeti pa bu diskansa pe nel.”

² Di Sion, SIÑOR na pui puder di bu renansa pa i aumenta pa utru teras; i fala: “Domina na metadi di bu inimigus.”

³ Bu tropas na pursenta di bon vontadi na dia ku bu bai gera. Suma serenu di mandrugada bu jovens na bin pa bo, fajadu ku puder sagradu.

⁴ SIÑOR jurmenta, i ka na maina; i fala: “Abo i saserdoti pa sempri, na yardansa di Melkisedek.”

⁵ Na bu direita, SIÑOR na kebranta reis na dia di si raiba.

⁶ I na julga nasons, i inci elis ku difuntus. I na kebranta ŝefis di tudu mundu.

⁷ I na bibi yagu di riu lungu di kamiñu, i na kontinua ku kabesa yalsadu.