Salmus 11 - BIBLIA - traduson antigu in Krioulo

Salmu di Davi pa ŝef di musika.

¹ N pui ña fiansa na SIÑOR. I ka bon pa bo falan: “Bua pa bu montaña suma kacu.

² Jubi kuma ku jinti mau na yarma se mansasa, e pui se fleŝas na korda; e na mandal di se kau di sukundi kontra jinti di korson di bardadi.

³ Si alisersus na danadu, ke ku justu pudi fasi?”

⁴ SIÑOR sta na si kasa sagradu; i tene si tronu na seu. Si uju sta abertu; i na jubi diritu pa tudu jinti.

⁵ SIÑOR na spurmenta omi justu, ma i ta nuju omi mau ku kil ku ama violensia.

⁶ Riba di jinti mau i na manda brasas di fugu ku nŝofri suma cuba, ku bentu kinti. Es i na sedu kastigu ke na toma.

⁷ SIÑOR i justu, i ama korson di bardadi; i ta mostra si fabur pa kilis ku ta fasi diritu.