Salmus 101 - BIBLIA - traduson antigu in Krioulo

Salmu di Davi.

¹ N na kanta aserka di bu bondadi ku justisa; N na kanta pa bo, SIÑOR.

² N na pui sintidu pa yanda na un manera pirfitu, ku jiresa; kal tempu ku bu na bin pa mi? N na yanda na ña kasa ku korson puru.

³ N ka na pui kualker kusa nujenti dianti di ña uju. N ka ta kontenti ku manera di kilis ku disvia; N ka na pega nada di ki kusas ke ta fasi.

⁴ N nega tudu pensamentu tortu; N ka misti tene ligason ku mal.

⁵ N na kaba ku kil ku na rui si visiñu. N ka na nguenta kil ku ta ronka ku korson di orgulyu.

⁶ Ña uju na yabridu pa jubi kin ki fiel na tera, pa e pudi mora ku mi. Kil ku ta yanda diritu i na sedu ña ministru.

⁷ Kil ku ta ngana jinti ka pudi fika na ña kasa. Algin ku ta konta mintida ka na firma ña dianti.

⁸ Kada dia parmaña N na kaba ku tudu jinti mau di tera, pa limpa prasa di SIÑOR di tudu kilis ku ta fasi pekadu.