Salmus 100 - BIBLIA - traduson antigu in Krioulo

Salmu pa ngaba Deus.

¹ Abos, tudu jinti di mundu, bo kanta ku alegria pa SIÑOR.

² Bo sirbi SIÑOR ku kontentamentu, bo pursenta si dianti ku kantigas di alegria.

³ Bo lembra kuma SIÑOR i Deus; i el ku kumpunu; no pertensil. No sedu si pobu, karnel ki ta bakia.

⁴ Bo yentra na si portons ku gardisimentu, bo ngabal ku inus ora ku bo na yentra na si kasa. Bo gardisil, bo fala ben di si nomi,

⁵ pabia SIÑOR i bon; si amor ka ta kaba. El i fiel pa kada manjuandadi, pa tudu sempri.