Salmus 10 - BIBLIA - traduson antigu in Krioulo

¹ SIÑOR, ke ku manda bu fika lunju? Pabia di ke ku bu ta sukundi na ora di foronta?

² Jinti mau, na se orgulyu, e na serka koitadi; pui pa e pañadu na armadilia ke kumpu.

³ Omi mau ta sinti orgulyu di si diseẑus. I ta fala ben di kil ku misti tudu; i ta koba mal kontra SIÑOR.

⁴ Pabia di si orgulyu, omi mau ta njuti SIÑOR. Na tudu si pensamentus, Deus ka sta la.

⁵ Na si kamiñus, tudu kusas ta kuri ben ku el; bu leis sta mas altu, lunju del; i ta ri di si inimigus.

⁶ I ta fala na si sintidu: “N ka na bulbulidu; nunka N ka na oja mufunesa.”

⁷ Si boka inci ku maldison, nganu ku ameasa; bas di si lingua, son koba mal ku pekadu.

⁸ I ta sukundi pertu di tabankas; na kau dingidu i ta mata kil ku ka ten kulpa; si uju ta fika i na jimpini pa koitadis.

⁹ I ta monta si mboskada, suma lion na si koba; i ta sukundi pa paña koitadi; si i pañal, i ta rastal na si ridia.

¹⁰ Koitadi ta molostadu tok i kai; ki omi mau tenel na si puder.

¹¹ I ta fala na si sintidu: “Deus diskisi; i fica uju, nin i ka na oja es.”

¹² SIÑOR, lanta! O Deus, yalsa bu mon; ka bu diskisi di koitadis.

¹³ Ke ku manda omi mau ta njuti Deus, i fala na si sintidu kuma bu ka na bin puntal?

¹⁴ Ma abo, bu ojal, pabia bu ta para sintidu na foronta ku sufrimentu, bu ta toma si kasu na bu mon. Koitadi ta ntrega si vida na bu mon; abo ku ta juda orfan.

¹⁵ Kebranta mon di omi tortu i malvadu; jubi pa si maldadi tok i ka pudi ojadu mas.

¹⁶ SIÑOR i Rei pa sempri. Utru nasons na rinkadu di si tera.

¹⁷ SIÑOR, bu obi diseẑus di jinti mansu. Bu na obi elis, bu da elis koraẑen,

¹⁸ bu difindi pa orfan ku kilis ku kalkadu, pa ka nin un omi kumpudu di reia kontinua na pantanda jinti.