Salmus 1 - BIBLIA - traduson antigu in Krioulo

PURMERU LIBRU (Salmus 1—41)

¹ Sortiadu ki omi ku ka ta yanda konformi konsiju di jinti mau, nin i ka ta firma na kamiñu di jinti ku ta fasi pekadu, nin i ka ta sinta pertu di jinti ku ta fasi trosa,

² ma i ta kontenti ku lei di SIÑOR, i ta pensa nel di dia ku di noti.

³ I na sedu suma arvuri ku parantadu lungu di korenti di yagu, ku ta padi si fruta na tempu propi, ku si fojas ka ta konkoñi; tudu ku ki omi fasi i ta kuri diritu.

⁴ I ka asin ku jinti mau ta sedu; ma e parsi suma paja ku bentu ta pajiga.

⁵ Pabia di kila, omi mau ka na ngaña na justisa di Deus, nin kilis ku ta peka ka pudi sta na juntamentu di justus.

⁶ SIÑOR na guarda justus na se kamiñu, ma jinti mau sta na kamiñu pa pirdi.