Ruti 4 - BIBLIA - traduson antigu in Krioulo

Boaz kasa ku Ruti

¹ Boaz bai pa porton di prasa, i bai sinta la. Dipus i oja ki omi na pasa, ku sedu ki parenti mas tokadu ki papiaba aserka del. I falal: “Ermon, bin de, bu bin sinta li.” I bai, i bai sinta.

² Boaz coma des garandi di prasa, i fala elis pa e bin sinta. E bai sinta.

³ I fala ki parenti tokadu: “Suma ku Noemi riba ja di tera di Moab, i misti bindi ki parti di con ku seduba di Elimelek, no ermon.

⁴ N fala kuma N na pui e asuntu bu dianti, pa bu toma ki con dianti de garandis di ña pobu ku sinta li. Si bu na kumpral, bu ta kumpral. Si bu ka na kumpral, bu ta kontan, pa N sibi, pabia i abo ku ten diritu di kumpral. Dipus di bo i ami.” Omi falal: “N na kumpral.”

⁵ Boaz falal: “Dia ku bu na toma con na mon di Noemi, bu na toma tambi Ruti, ki minjer moabita, viuva di falsidu, pa nomi di falsidu pudi fika ligadu ku si yardansa.”

⁶ Ki omi fala: “Ne kasu N ka pudi kumpral, pabia i pudi dana ña propi yardansa. N na ntregau ña diritu pa bu pudi kumpral, pabia ami N ka na pudi kumpral.”

⁷ Na ki tempu antigu i kustumu na Israel, ora ku un terenu na kumpradu o i na transferidu, pa konfirma nogos, un omi ten ku diskalsa sapatu i da si kumpañer. Es i ta seduba tustumuñu na Israel.

⁸ Asin, ki si parenti fala Boaz: “Bu ta tomal pa bo.” I diskalsa si sapatu.

⁹ Boaz fala ki garandis ku tudu pobu: “Bo sedu tustumuñas aos kuma N toma na mon di Noemi tudu ku pertensiba Elimelek ku Kilion ku Malon;

¹⁰ N toma tambi Ruti di Moab, ku seduba minjer di Malon, pa i sedu ña minjer, pa kontinua nomi di falsidu na si yardansa, pa si nomi ka pirdi na metadi di si ermons, nin na reẑistu di prasa. Aos bo sedu tustumuñas.”

¹¹ Ki garandis ku tudu pobu ku staba na porton e fala: “No sedu tustumuñas. SIÑOR na fasi ki minjer, ku na yentra na bu kasa, suma Rakel ku Leia, ki dus ku forma jorson di Israel. No dija pa bu sedu riku na Efrata, pa bu sedu algin famosu na Belen,

¹² pa familia ku SIÑOR na dau ku ki minjer sedu suma familia di Perez, ku Tamar padi ku Judá.”

Familia di Boaz

¹³ Asin Boaz toma Ruti pa i sedu si minjer. E junta; SIÑOR judal pa i preña, i padi un fiju.

¹⁴ Minjeris fala Noemi: “No ngaba SIÑOR ku ka disau aos sin algin ku na toma konta di bo. Nomi de mininu na sedu famosu na Israel.

¹⁵ I na arnoba bu vida, i na bin sustentau na bu bejisa, pabia bu netu, ku amau, ku sedu minjor di ki seti fiju pa bo, i el ku padil.”

¹⁶ Noemi toma mininu, i sintandal na si perna, i toma konta del.

¹⁷ Minjeris visiñu fala: “Noemi tene un fiju.” E dal nomi di Obed. I el ku sedu pape di Jesé, pape di Davi.

¹⁸ Es ku sedu jorson di Perez: Perez padi Ezron,

¹⁹ Ezron padi Ran, Ran padi Aminadab,

²⁰ Aminadab padi Naason, Naason padi Salmon,

²¹ Salmon padi Boaz, Boaz padi Obed,

²² Obed padi Jesé, Jesé padi Davi.