Oseias 3 - BIBLIA - traduson antigu in Krioulo

Oseias ku si minjer

¹ SIÑOR falan: “Bai utru bias, bu mostra amor pa bu minjer, ku utru algin kiri, i dita ku el. Amal suma ku SIÑOR ama fijus di Israel, kontudu e disvia, e bai pa utru deusis, e gosta di mundus di uva seku ke ta kumpu pa idulus.”

² Asin N kumpral ku kinzi mueda di prata ku trizentus litru di sevada.

³ N falal: “Bu na sinta bu peran pa manga di tempu; ka bu torna sai bu bindi bu kurpu, nin ka bu sta ku utru omi. Asin tambi N na perau.”

⁴ Na mesmu manera fijus di Israel na fika manga di tempu sin rei, sin ŝef, sin sakrifisiu, nin kuluna sagradu, nin efodi, nin imaẑen.

⁵ Dipus fijus di Israel na buska SIÑOR se Deus, ku Davi, se rei. Na ultimu dias e na ten medu di SIÑOR, e bin buska si bondadi.