Neemias 11 - BIBLIA - traduson antigu in Krioulo

Jints ku bai mora na Jerusalen

¹ Ŝefis di pobu bai mora na Jerusalen, ma restu di pobu e juga sorti pa tira un na kada des pa i mora na prasa sagradu di Jerusalen. Ki novi ku sobra na kada des e tenba ku mora na utru prasas.

² Pobu ngaba tudu omis ku bai mora na Jerusalen di se propi vontadi.

^3-4 Utru jinti di Israel, ku utru saserdotis, levitas, serventis di templu ku fijus di servus di Salomon, e moraba na utru prasas di Judá, kada kin na si propi terenu. Utru fijus di Judá ku Benjamin e moraba na Jerusalen. Es i lista di ŝefis di pruvinsia ku bai mora na Jerusalen: Di jorson di Judá: Ataias, fiju di Uzias, fiju di Zakarias, fiju di Amarias, fiju di Sefatias, fiju di Maalalel, di jorson di Perez;

⁵ ku Maaseias, fiju di Baruk, fiju di Kol-Ozi, fiju di Azaias, fiju di Adaias, fiju di Joiarib, fiju di Zakarias, fiju di Siloni.

⁶ Tudu fijus di Perez ku moraba na Jerusalen e seduba 468 omi di koraẑen.

⁷ Di jorson di Benjamin: Salu, fiju di Mesulan, fiju di Joed, fiju di Pedaias, fiju di Kolaias, fiju di Maaseias, fiju di Itiel, fiju di Jesaias,

⁸ tambi Gabai ku Salai. Na tudu e seduba 928.

⁹ Joel, fiju di Zikri, i seduba se kabesa; Judá, fiju di Senua, i seduba sugundu ŝef di prasa.

¹⁰ Di saserdotis: Jedaias, fiju di Joiarib, Jakin,

¹¹ Seraias, fiju di Ilkias, fiju di Mesulan, fiju di Zadok, fiju di Meraiot, fiju di Aitub, ŝef di kasa di Deus,

¹² ku se ermons ku ta tarbajaba na templu — 822 omi. Adaias, fiju di Jeroan, fiju di Pelalias, fiju di Anzi, fiju di Zakarias, fiju di Pasur, fiju di Malkias,

¹³ ku si ermons, ku seduba kabesas di familia — 242 omi. Amasai, fiju di Azarel, fiju di Azai, fiju di Mesilemot, fiju di Imer,

¹⁴ ku si ermons, omis di koraẑen — 128. Zabdiel, fiju di Jedolin, i seduba se kabesa.

¹⁵ Di levitas: Semaias, fiju di Asub, fiju di Azrikan, fiju di Asabias, fiju di Buni.

¹⁶ Sabetai ku Jozabad, dus ŝef di levitas, e staba riba di tarbaju di fora di kasa di Deus.

¹⁷ Matanias, fiju di Mika, fiju di Zabdi, fiju di Asaf, i seduba diriẑenti ku ta kumsa gardisimentu ku orason. Bakebukias ku teneba sugundu lugar. Abda, fiju di Samua, fiju di Galai, fiju di Jedutun.

¹⁸ Tudu levitas na prasa sagradu e seduba 284.

¹⁹ Porterus: Akub, Talmon ku se ermons ku ta guardaba portons — 172.

Kilis ku moraba na prasas di Judá

²⁰ Restu di pobu di Israel, di saserdotis ku levitas, e moraba kada kin na si propi terenu, na tudu prasas di Judá.

²¹ Serventis di templu moraba na Ofel; Zia ku Jispa tenba konta delis.

²² Nkargadu di levitas na Jerusalen seduba Uzi, fiju di Bani, fiju di Asabias, fiju di Matanias, fiju di Mika. Uzi pertensiba familia di Asaf, ku seduba familia di kantaduris na sirvis di kasa di Deus.

²³ I tenba ordi di rei aserka delis, ku ta rapati elis na grupus. Kada grupu ta teneba sirvis na si dia markadu.

²⁴ Petaias, fiju di Mesezabel, di familia di Zerá, fiju di Judá, i ta lebaba tudu asuntus di pobu dianti di rei di Persia.

²⁵ Utru jinti di Judá moraba na Kiriat-Arba, na Dibon ku Jekabzeel, ku se tabankas na roda.

²⁶ E moraba tambi na Jesua, Molada, Bet-Palet,

²⁷ Azar-Sual ku Berseba, ku se tabankas na roda,

²⁸ suma tambi na Ziklag ku Mekona, ku se tabankas na roda,

²⁹ na En-Rimon, Zorá, Jarmut,

³⁰ Zanoa ku Adulan, ku se tabankas, na Lakís ku se lugaris di labur na roda, ku na Azeka ku si tabankas na roda. Asin, jinti di Judá na moraba desdi Berseba te na kobon di Inon.

³¹ Jinti di jorson di Benjamin, di Jeba, e moraba na Mikmás, Aija ku Betel, ku se tabankas na roda,

³² na Anatot, Nob, Anania,

³³ Azor, Ramá, Jitain,

³⁴ Adid, Zeboin, Nebalat,

³⁵ Lod ku Onu, na kobon di artistas.

³⁶ Utru grupus di levitas ku moraba na Judá e bai sinta na tera di Benjamin.