Kumsada 5 - BIBLIA - traduson antigu in Krioulo

Jorson di Set

¹ Es i lista di jorson di Adon. Na dia ku Deus kumpu jinti, i kumpu elis suma el, Deus.

² I kumpu elis macu ku femia. Na tempu ki kumpu elis, i bensua elis, i coma se nomi Adon.

³ Adon vivi 130 anu, i padi un fiju ku parsil, i comal Set.

⁴ Dipus di padi Set, Adon vivi 800 anu; i padi fijus, macu ku femia.

⁵ Tudu vida di Adon i 930 anu; dipus i muri.

⁶ Set vivi 105 anu, i padi Enos.

⁷ Dipus di padi Enos, Set vivi 807 anu; i padi fijus macu ku femia.

⁸ Tudu vida di Set i 912 anu; dipus i muri.

⁹ Enos vivi 90 anu, i padi Kenan.

¹⁰ Dipus di padi Kenan, Enos vivi 815 anu; i padi fijus macu ku femia.

¹¹ Tudu vida di Enos i 905 anu; dipus i muri.

¹² Kenan vivi 70 anu, i padi Maalalel.

¹³ Dipus di padi Maalalel, Kenan vivi 840 anu; i padi fijus macu ku femia.

¹⁴ Tudu vida di Kenan i 910 anu; dipus i muri.

¹⁵ Maalalel vivi 65 anu, i padi Jared.

¹⁶ Dipus di padi Jared, Maalalel vivi 830 anu; i padi fijus macu ku femia.

¹⁷ Tudu vida di Maalalel i 895 anu; dipus i muri.

¹⁸ Jared vivi 162 anu, i padi Enok.

¹⁹ Dipus di padi Enok, Jared vivi 800 anu; i padi fijus macu ku femia.

²⁰ Tudu vida di Jared i 962 anu; dipus i muri.

²¹ Enok vivi 65 anu, i padi Metuselá.

²² Dipus di padi Metuselá, Enok yanda ku Deus 300 anu; i padi fijus macu ku femia.

²³ Tudu vida di Enok i 365 anu.

²⁴ Enok yanda ku Deus. I ka bin ojadu mas, pabia Deus lebal.

²⁵ Metuselá vivi 187 anu, i padi Lamek.

²⁶ Dipus di padi Lamek, Metuselá vivi 782 anu; i padi fijus macu ku femia.

²⁷ Tudu vida di Metuselá i 969 anu; dipus i muri.

²⁸ Lamek vivi 182 anu, i padi un fiju,

²⁹ i comal nomi di Noe, i fala: “Es na diskansanu di tarbaju pisadu ku no ta fasi ku no mon, ku kansera ku bin pabia SIÑOR maldisua con.”

³⁰ Dipus di padi Noe, Lamek vivi 595 anu; i padi fijus macu ku femia.

³¹ Tudu vida di Lamek i 777 anu; dipus i muri.

³² Noe staba na idadi di 500 anu, i padi Sen, Kan ku Jafé.