Kumsada 36 - BIBLIA - traduson antigu in Krioulo

Jorson di Esaú

¹ Es i sedu jorson di Esaú (ku sedu Edon).

² Esaú kasa ku minjeris di Kanaan: Ada, fiju di Elon, eteu, ku Aolíbama, fiju di Aná ku sedu fiju di Zibeon, eveu,

³ ku Basemat, fiju di Ismael, irma di Nebaiot.

⁴ Ada padi ku Esaú Elifaz; Basemat padi Reuel;

⁵ Aolíbama padi Jeús, Jalan ku Koré. Esis sedu fijus di Esaú ku padidu na tera di Kanaan.

⁶ Esaú toma si minjeris ku si fijus macu ku femia, ku tudu jinti di si kasa, ku si bakas, ku tudu si limarias, ku tudu rikesa ki ngañaba na tera di Kanaan, i munda pa utru tera, lunju di Jakó si ermon,

⁷ pabia rikesa ke teneba i ciu pa e mora juntu. Kau ke moraba nel i ka pudiba sustenta elis tudu, pabia di se limarias.

⁸ Asin Esaú (ku sedu Edon) i bai sinta na montaña di Seir.

⁹ Es i sedu jorson di Esaú, pape di edomeus, na montaña di Seir.

¹⁰ Es i nomis di fijus di Esaú: Elifaz, fiju di Ada, minjer di Esaú; Reuel, fiju di Basemat, minjer di Esaú.

¹¹ Fijus di Elifaz e sedu Teman, Omar, Zefó, Gaetan ku Kenaz.

¹² Elifaz, fiju di Esaú, i teneba kumadri ku comadu Timna, ku padi ku el Amalek. Esis e sedu fijus di Ada, minjer di Esaú.

¹³ Fijus di Reuel e sedu: Naat, Zerá, Samá ku Mizá. Esis e sedu fijus di Basemat, minjer di Esaú.

¹⁴ Aolíbama, minjer di Esaú, fiju di Aná ku sedu fiju di Zibeon, i padi ku Esaú e fijus: Jeús, Jalan ku Koré.

¹⁵ Esis e sedu ŝefis di jorson di Esaú: Fijus di Elifaz, purmeru fiju di Esaú: Ŝefis Teman, Omar, Zefó, Kenaz,

¹⁶ Koré, Gaetan ku Amalek. Esis sedu ŝefis di jorson di Elifaz na tera di Edon, ku sedu fijus di Ada.

¹⁷ Esis e sedu fijus di Reuel, fiju di Esaú: Ŝefis Naat, Zerá, Samá ku Mizá. Esis e sedu ŝefis di jorson di Reuel na tera di Edon, ku sedu fijus di Basemat, minjer di Esaú.

¹⁸ Esis e sedu fijus di Aolíbama, minjer di Esaú: Ŝefis Jeús, Jalan ku Koré. Esis e sedu ŝefis di jorson di Aolíbama, minjer di Esaú, fiju di Aná.

¹⁹ Esis e sedu se ŝefis, fijus di Esaú, ku sedu Edon.

Jorson di Seir

²⁰ Esis e sedu fijus di Seir, oreu, ku moraba na ki tera: Lotan, Sobal, Zibeon, Aná,

²¹ Dison, Eser ku Disan. Esis e sedu ŝefis di oreus, fijus di Seir, na tera di Edon.

²² Fijus di Lotan e sedu: Ori ku Oman. Irma di Lotan i seduba Timna.

²³ Esis e sedu fijus di Sobal: Alvan, Manaat, Ebal, Sefó ku Onan.

²⁴ Esis e sedu fijus di Zibeon: Aia ku Aná. Es i ki Aná ku oja nasenti di yagu kinti kontra i na bakiaba burus di si pape Zibeon na lala.

²⁵ Esis e sedu fijus di Aná: Dison ku Aolíbama, fiju femia di Aná.

²⁶ Esis e sedu fijus di Dison: Endan, Esban, Itran ku Keran.

²⁷ Esis e sedu fijus di Eser: Bilan, Zaavan ku Akan.

²⁸ Esis e sedu fijus di Disan: Uz ku Aran.

²⁹ Esis e seduba ŝefis di oreus: Ŝefis Lotan, Sobal, Zibeon, Aná,

³⁰ Dison, Eser ku Disan; esis e sedu ŝefis di oreus, konformi rapatimentu di jorsons na tera di Seir.

Reis di Edon

³¹ Esis e sedu reis ku renaba na tera di Edon, oca fijus di Israel ka teneba inda rei:

³² Belá, fiju di Beor, rena na Edon. Nomi di si prasa i Dinabá.

³³ Belá muri; Jobab, fiju di Zerá di Bozra, rena na si lugar.

³⁴ Jobab bin muri. Usan di tera di temanitas rena na si lugar.

³⁵ Oca Usan muri, Adad, fiju di Bedad, ku ngaña riba di Midian na kampu di Moab, i rena na si lugar. Nomi di si prasa i Avit.

³⁶ Adad bin muri. Samla di Masreka rena na si lugar.

³⁷ Oca Samla muri, Saul di Reobot na Riu rena na si lugar.

³⁸ Saul bin muri. Baal-Anan, fiju di Akbor, i rena na si lugar.

³⁹ Oca Baal-Anan, fiju di Akbor, muri, Adar rena na si lugar. Nomi di si prasa i Paú. Nomi di si minjer i Meetabel, fiju di Matred, fiju di Mezaab.

⁴⁰ Esis e sedu nomis di ŝefis di familia di Esaú, konformi se jorsons, konformi kaus ke ta moraba nel: Ŝefis Timna, Alva, Jetet,

⁴¹ Aolíbama, Elá, Pinon,

⁴² Kenaz, Teman, Mibzar,

⁴³ Magdiel ku Iran. Esis e seduba ŝefis di Edon konformi kaus ke ta moraba nel, ku tera ku pertensiba elis. Es i sedu jorson di Esaú, pape di edomeus.