Kumsada 10 - BIBLIA - traduson antigu in Krioulo

Jorson di Noe

¹ Es i jorson di fijus di Noe, ku sedu Sen, Kan ku Jafé. E padi fijus dipus di diluviu.

Fijus di Jafé

² Fijus di Jafé seduba: Gomer, Magog, Madai, Javan, Tubal, Mesek ku Tiras.

³ Fijus di Gomer e sedu: Askenaz, Rifat ku Togarma.

⁴ Fijus di Javan e sedu: Elisá, Tarsis, Kitin ku Dodanin.

⁵ Jorson desis ku bin rapatidu, e bai mora lungu di mar, ku jius, kada familia ku si lingua na metadi di se nason.

Fijus di Kan

⁶ Fijus di Kan e sedu: Kus, Mizrain, Put ku Kanaan.

⁷ Fijus di Kus e sedu: Seba, Avilá, Sabtá, Raamá ku Sabteká. Fijus di Raamá e sedu: Sebá ku Dedan.

⁸ Kus padi Ninrod, ku kumsa na ten puder na tera.

⁹ I sedu garandi montiadur dianti di SIÑOR. E ku manda i ta faladu: “Suma Ninrod, garandi montiadur dianti di SIÑOR.”

¹⁰ Na kumsada, si renu seduba Babel, Erek, Akad, ku Kalné na tera di Sinar.

¹¹ I sai na ki tera, i bai pa Asiria, nunde ki kumpu Ninive, Reobot-Ir, Kalá

¹² ku Resen, na metadi di Ninive ku Kalá. Es i tabanka garandi.

¹³ Mizrain padi Ludin, Anamin, Leabin, Naftuin,

¹⁴ Patrusin, Kasluin (ku filisteus sai nel) ku Kaftorin.

¹⁵ Kanaan padi Sidon ku sedu si purmeru fiju, ku Et,

¹⁶ ku rasas ku comadu jebuseus, amoreus, jirgaseus,

¹⁷ eveus, arkeus, sineus,

¹⁸ arvadeus, zemareus ku amateus. Mas tardi, e familias di kananeus bin pajiga.

¹⁹ Frontera di kananeus kumsa disna di Sidon, i bai te na Jerar, i ciga Gaza, i torna bai pa Sodoma, Gomora, Admá ku Zeboin, i bai te Lasa.

²⁰ Esis i fijus di Kan, suma se familias, se linguas, na se teras ku se nasons.

Fijus di Sen

²¹ Sen, ermon mas beju di Jafé, i padi fijus tambi. I seduba pape di tudu fijus di Eber.

²² Fijus di Sen e sedu: Elan, Asur, Arfasad, Lud ku Aran.

²³ Fijus di Aran e seduba: Uz, Ul, Jeter ku Mas.

²⁴ Arfasad padi Salá. Salá padi Eber.

²⁵ Eber padi dus fiju. Nomi di un son i sedu Peleg, pabia na si tempu tera rapatidu. Nomi di si ermon sedu Joktan.

²⁶ Joktan padi Almodá, Selef, Azarmavé, Jerá,

²⁷ Adoran, Uzal, Dikla,

²⁸ Obal, Abimael, Seba,

²⁹ Ofir, Avilá ku Jobab. Tudu esis e seduba fijus di Joktan.

³⁰ Se moransa sedu disna di Mesa, i bai te na Sefar, na ladu di monti na saida di sol.

³¹ Esis e sedu fijus di Sen, suma se familias, ku se linguas, na se teras ku nasons.

³² Tudu ki jinti sedu familias di fijus di Noe, suma se jorsons, na se nasons. Delis i rapatidu nasons di mundu dipus di diluviu.