Josué 19 - BIBLIA - traduson antigu in Krioulo

Yardansa di Simeon

¹ Sugundu sorti kai riba di jorson di Simeon, konformi se familias. Se yardansa sta na metadi di tera di fijus di Judá.

² Na se yardansa e teneba Berseba, Seba, Molada,

³ Azar-Sual, Balá, Ezen,

⁴ Eltolad, Betul, Orma,

⁵ Ziklag, Bet-Markabot, Azar-Susa,

⁶ Bet-Lebaot ku Saruen — trezi prasa ku se tabankas;

⁷ Ain, Rimon, Eter ku Asan — kuatru prasa ku se tabankas.

⁸ E teneba tudu tabankas ku staba na roda de prasas, te na Baalat-Ber, ku sedu Ramá di sul. Es i yardansa di jorson di fijus di Simeon, konformi se familias.

⁹ Yardansa di fijus di Simeon sta dentru di tera di fijus di Judá, pabia kiñon di Judá seduba garandi dimas pa elis. E ku manda fijus di Simeon teneba se yardansa na se metadi.

Yardansa di Zebulon

¹⁰ Terseru sorti kai riba di fijus di Zebulon, konformi se familias. Frontera di se yardansa bai te Sarid.

¹¹ I bai pa kaida di sol te Marala, i toka na Dabeset, i ciga na riusiñu ku sta dianti di Joknean.

¹² Di Sarid i kurva pa saida di sol, te na frontera di Kislot-Tabor, i ciga na Daberat, i subi pa Jafia.

¹³ Di la i kontinua pa saida di sol te Gad-Efer ku Et-Kazin, i fura na Rimon, i kurva pa Neá.

¹⁴ Di la, frontera vira pa norti te Anaton, i kaba na kobon di Iftá-El.

¹⁵ Katat, Naalal, Sinron, Idala ku Belen staba na ki tera. I tenba dozi prasa ku se tabankas.

¹⁶ Ki prasas ku se tabankas seduba yardansa di fijus di Zebulon, konformi se familias.

Yardansa di Isakar

¹⁷ Kuartu sorti kai riba di Isakar, konformi se familias.

¹⁸ Se tera tene prasas di Jizreel, Kesulot, Sunen,

¹⁹ Afarain, Sion, Anakarat,

²⁰ Rabit, Kision, Ebes,

²¹ Remet, En-Ganin, En-Adá ku Bet-Pazez.

²² Frontera ciga te Tabor, Saazima ku Bet-Semes, i kaba na Jordon. I ten disaseis prasa ku se tabankas.

²³ Ki prasas ku se tabankas seduba yardansa di jorson di fijus di Isakar, konformi se familias.

Yardansa di Aser

²⁴ Kintu sorti kai riba di jorson di fijus di Aser, konformi se familias.

²⁵ Se tera tene prasas di Elkat, Alí, Beten, Aksaf,

²⁶ Alamelek, Amad ku Misal. Na kaida di sol, frontera ciga na Karmelu ku Sior-Libnat,

²⁷ i vira pa saida di sol, i toka na Bet-Dagon, Zebulon ku kobon di Iftá-El. Dipus i bai pa norti te Bet-Emek ku Neiel, i pasa Kabul na ladu di norti.

²⁸ I kontinua na Ebron, Reob, Amon ku Kaná, te na garandi Sidon.

²⁹ Dipus, frontera vira pa Ramá, te na prasa fortifikadu di Tiru; i kurva mas pa Osa, i sai pa ladu di mar te Akzib,

³⁰ Umá, Afeka ku Reob. I ten vinti i dus prasa ku se tabankas.

³¹ Ki prasas ku se tabankas seduba yardansa di jorson di fijus di Aser, konformi se familias.

Yardansa di Naftali

³² Sestu sorti kai riba di fijus di Naftali, konformi se familias.

³³ Se frontera bai desdi Elef i desdi Alon na Zaananin, i pasa Adami-Nekeb ku Jabneel, tok i ciga na Lakun; i kaba na Jordon.

³⁴ Frontera kurva pa kaida di sol pa Aznot-Tabor; di la i pasa pa Ukok; i toka na Zebulon pa sul, Aser pa kaida di sol, ku Jordon pa saida di sol.

³⁵ Esis i prasas fortifikadu: Zidin, Zer, Amat, Rakat, Kineret,

³⁶ Adama, Ramá, Azor,

³⁷ Kedes, Edrei, En-Azor,

³⁸ Iron, Migdal-El, Oren, Bet-Anat ku Bet-Semes — disanovi prasa ku se tabankas.

³⁹ Ki prasas ku se tabankas seduba yardansa di jorson di fijus di Naftali, konformi se familias.

Yardansa di Dan

⁴⁰ Setimu sorti kai riba di jorson di fijus di Dan, konformi se familias.

⁴¹ Se yardansa tene e prasas: Zorá, Estaol, Ir-Semes,

⁴² Saalabin, Aijalon, Itla,

⁴³ Elon, Timnat, Ekron,

⁴⁴ Eltek, Jibeton, Baalat,

⁴⁵ Jeud, Bene-Berak, Gat-Rimon,

⁴⁶ Me-Jarkon, Rakon, tudu ku tera dianti di Jope.

⁴⁷ Suma tera ku dadu pa fijus di Dan ka ciga elis, e sai pa geria kontra Lesen; e tomal, e mata tudu jinti ku spada, e toma konta di prasa, e bai mora nel, e pul nomi di Dan, konformi nomi di Dan, se pape di antigu.

⁴⁸ Ki prasas ku se tabankas seduba yardansa di jorson di fijus di Dan, konformi se familias.

Yardansa di Josué

⁴⁹ Oca ke kaba rapati tera pa yardansa konformi se fronteras, fijus di Israel da Josué, fiju di Nun, yardansa na se metadi.

⁵⁰ Konformi kil ku SIÑOR fala, e dal prasa ki pidi, ku sedu Timnat-Sera, na montaña di Efrain. I torna kumpu ki prasa, i mora la.

⁵¹ Es i yardansas ku saserdoti Eleazar, ku Josué, fiju di Nun, ku ŝefis di familias di Israel, rapati pa sorti pa jorsons di Israel na Siló, dianti di SIÑOR, na entrada di tenda di juntamentu. Asin e kaba rapati tera.