Josué 15 - BIBLIA - traduson antigu in Krioulo

Yardansa di Judá

¹ Es i tera ku sorti da familias di jorson di Judá, desdi frontera di Edon, pa lala di Zin, te na banda mas pa sul.

² Na parti di sul se frontera kumsa desdi purtu pikininu na ladu di sul di Mar Salgadu,

³ i kontinua pa sul te na subida di Akrabin, i pasa na Zin, dipus na banda sul di Kades-Barneia, i pasa pa Ezron, i subi pa Adar, i rodia Karka,

⁴ i pasa Azmon, i fura na riusiñu di Ejitu, i bai te na mar. Es i frontera di sul di Judá.

⁵ Se frontera pa saida di sol i sedu Mar Salgadu te na ponta di riu Jordon. Frontera di norti bai desdi bokana na ponta di Jordon,

⁶ i subi te na Bet-Oglá, i kontinua pa norti te na Bet-Arabá, i subi te na pedra di Boan, fiju di Ruben.

⁷ Dipus, ki frontera subi mas pa Debir, desdi kobon di Akor; i vira pa norti pa Jilgal, na frenti di subida di Adumin ku sta na sul di riusiñu; i pasa te na yagu di En-Semes, i fura na banda di En-Rojel.

⁸ Dipus i pasa na kobon di fiju di Inon, pa sul di prasa di jebuseus, ku sedu Jerusalen. Di la i subi pa puntu mas altu di monti ku sta na ladu di kobon di Inon pa kaida di sol, na parti di kabantada di kobon di Refain di banda di norti.

⁹ Desdi altura di monti, frontera bai te na fonti di yagu di Neftoa, i bai te na prasas di monti di Efron, i sigi pa Baalá, ku sedu Kiriat-Jearin;

¹⁰ dipus i kurva pa ladu di kaida di sol desdi Baalá te na montañas di Seir, pa banda di norti di monti di Jearin ku sedu Kesalon; i disi pa Bet-Semes, i pasa pa Timna.

¹¹ I bai pa ladu di norti di Ekron, i vira pa Sikeron, i pasa pa monti di Baalá, i ciga na Jabneel; asin frontera kaba na mar.

¹² Frontera di kaida di sol i sedu Mar Mediteraneu. Es i frontera ku rodia pobu di Judá konformi se familias.

¹³ Konformi ordi ku SIÑOR dal, Josué da Kaleb, fiju di Jefoné, un parti na Judá: Kiriat-Arba, ku sedu Ebron. (Arba i seduba purmeru pape di Anak.)

¹⁴ Di Ebron Kaleb tira fora tris familia di anakins: Sesai, Aiman ku Talmai, fijus di Anak.

¹⁵ Di la i marŝa kontra pobu ku ta moraba na Debir, ku si nomi seduba purmeru Kiriat-Sefer.

¹⁶ Kaleb fala: “N na da ña fiju Aksa pa i sedu minjer di kin ku bai ataka Kiriat-Sefer, i tomal.”

¹⁷ Asin Otniel, fiju di Kenaz, ermon di Kaleb, i tomal; Kaleb dal si fiju Aksa pa i sedu si minjer.

¹⁸ Na dia ki bai pa kasamenti, i ngodal pa i pidi un terenu na mon di si pape. Oca ku Aksa ria na buru, Kaleb puntal: “Ke ku bu ten?”

¹⁹ I ruspundil: “Patin un kusa pa lembransa. Suma ku bu dan ja tera seku na sul, dan tambi fontis di yagu.” Asin Kaleb dal fontis mas pa riba ku utrus la bas.

Prasas di Judá

²⁰ Es i yardansa di jorson di Judá, konformi se familias.

²¹ Prasas mas pa sul di jorson di Judá pa frontera di Edon e seduba: Kabzeel, Eder, Jagur,

²² Kiná, Dimona, Adada,

²³ Kedes, Azor, Itnan,

²⁴ Zif, Telen, Bealot,

²⁵ Azor-Adata, Keriot-Ezron (ku sedu Azor),

²⁶ Aman, Sema, Molada

²⁷ Azar-Gada, Esmon, Bet-Palet,

²⁸ Azar-Sual, Berseba, Biziotiá,

²⁹ Baalá, Yin, Ezen,

³⁰ Eltolad, Kesil, Orma,

³¹ Ziklag, Madmana, Sansana,

³² Lebaot, Silin, Ain ku Rimon, ku sedu vinti i novi prasa ku se tabankas.

³³ Na kau rasu: Estaol, Zorá, Asná,

³⁴ Zanoa, En-Ganin, Tapua, Enan,

³⁵ Jarmut, Adulan, Sokó, Azeka,

³⁶ Saarain, Aditain, Jedera ku Jederotain — katorzi prasa ku se tabankas.

³⁷ Zenan, Adasa, Migdal-Gad,

³⁸ Dilean, Mizpá, Jokteel,

³⁹ Lakís, Bozkat, Eglon,

⁴⁰ Kabon, Laamás, Kitlis,

⁴¹ Jederot, Bet-Dagon, Naamá ku Makeda — disaseis prasa ku se tabankas.

⁴² Libna, Eter, Asan,

⁴³ Iftá, Asná, Nezib,

⁴⁴ Keila, Akzib ku Maresa — novi prasa ku se tabankas.

⁴⁵ Ekron ku si prasas ku tabankas;

⁴⁶ desdi Ekron te na mar, tudu prasas ku sta na banda di Asdod, ku se tabankas;

⁴⁷ Asdod ku si prasas ku tabankas; Gaza ku si prasas ku tabankas, te na riu di Ejitu ku Mar Mediteraneu, ku sedu frontera.

⁴⁸ Na montañas: Samir, Jatir, Sokó,

⁴⁹ Daná, Kiriat-Saná (ku sedu Debir),

⁵⁰ Anab, Estemó, Anin,

⁵¹ Gosen, Olon ku Jilu — onzi prasa ku se tabankas.

⁵² Arab, Dumá, Esan,

⁵³ Janin, Bet-Tapua, Afeka,

⁵⁴ Unta, Kiriat-Arba (ku sedu Ebron) ku Zior — novi prasa ku se tabankas.

⁵⁵ Maon, Karmelu, Zif, Jutá,

⁵⁶ Jizreel, Jokdean, Zanoa,

⁵⁷ Kain, Jibeá ku Timna — des prasa ku se tabankas.

⁵⁸ Alul, Bet-Zur, Jedor,

⁵⁹ Maarat, Bet-Anot ku Eltekon — seis prasa ku se tabankas.

⁶⁰ Kiriat-Baal (ku sedu Kiriat-Jearin ) ku Rabá — dus prasa ku se tabankas.

⁶¹ Na lala: Bet-Arabá, Midin, Sekaka,

⁶² Nibsan, Prasa di Sal ku En-Jedi — seis prasa ku se tabankas.

⁶³ Fijus di Judá ka pudiba tira fora jebuseus ku ta moraba na Jerusalen; asin, te aos, jebuseus ta mora ku fijus di Judá na Jerusalen.