Josué 12 - BIBLIA - traduson antigu in Krioulo

Reis ku Moisés ngañaba

¹ Esis i reis di tera ku fijus di Israel mata, e toma se tera na banda di Jordon pa saida di sol, desdi kobon di Arnon te na monti di Ermon, ku tudu bulañas ku sta na ladu di Jordon na saida di sol.

² E mata Sion, rei di amoreus, ku moraba na Esbon. I ta mandaba desdi Aroer na ladu di kobon di Arnon, tambi desdi metadi di kobon te na riusiñu di Jabok, ku sedu frontera di fijus di Amon. Metadi di tera di Jilead staba dentru di ki con.

³ I ta mandaba tambi na ladu di Jordon te na mar di Kineret, te na Mar Salgadu na ladu di saida di sol, na kamiñu di Bet-Jesimot; dipus pa sul, bas di riadas di Pisga.

⁴ E toma tambi tera di Og, rei di Basan, un ku sobra di jigantis. I moraba na Astarot ku Edrei,

⁵ i ta mandaba na monti Ermon, na Salka ku tudu Basan, te na frontera di jesuritas ku maakatitas, ku metadi di Jilead, te na frontera di Sion, rei di Esbon.

⁶ Moisés, servu di SIÑOR, ku fijus di Israel, e mata elis; Moisés da ki tera pa jorsons di Ruben ku Gad, ku metadi di jorson di Manasés, pa i sedu di selis.

Reis ku Josué mata

⁷ Esis i reis di tera ku Josué ku fijus di Israel mata, na banda di Jordon pa kaida di sol, desdi Baal-Gad, na kobon di Líbanu, te na monti Alak ku ta subi pa Seir. Josué rapati ki con, pa kada jorson di Israel pudi tene si terenu,

⁸ na montañas, na kau rasu, na bulañas ku riadas di yagu, na lala, pa ladu di sul, tera di eteus, amoreus, kananeus, perizeus, eveus ku jebuseus.

⁹ E ngaña reis de prasas: Jerikó, Ai lungu di Betel,

¹⁰ Jerusalen, Ebron,

¹¹ Jarmut, Lakís,

¹² Eglon, Jezer,

¹³ Debir, Jeder,

¹⁴ Orma, Arad,

¹⁵ Libna, Adulan,

¹⁶ Makeda, Betel,

¹⁷ Tapua, Efer,

¹⁸ Afeka, Lasaron,

¹⁹ Madon, Azor,

²⁰ Sinron-Meron, Aksaf,

²¹ Taanak, Mejidu,

²² Kedes, Joknean di Karmelu,

²³ Dor na Nafot-Dor, Goin na Jilgal,

²⁴ ku Tirza; na tudu e sedu trinta i un rei.