Jo 5 - BIBLIA - traduson antigu in Krioulo

Elifaz konsija Jo pa i buska Deus

¹ “Coma, bu jubi si algin na kudiu. Kal anju ku bu pudi bai pa el?

² Bu ta sedu tulu si bu fika ku kudadi, bu guarda raiba dentru di bo tok i matau.

³ Ami N ciga di oja un tulu larga rais, ma di repenti si kasa maldisuadu.

⁴ Si fijus ka pudi oja suguransa; e pasa mal na kau di julgamentu, sin algin ku na libra elis.

⁵ Kilis ku tene fomi e na kume si kebur; te na metadi di fididas e na rabatal. Bandidus na pui uju na si rikesa.

⁶ Sufrimentu ka ta sai na reia; i ka na con ku kansera ta nasi,

⁷ ma omi ta padidu pa kansera, suma ku faiska ta lanta i bua pa riba.

⁸ “Si i ami, N ta buskaba Deus, N ta pui ña kasu si dianti.

⁹ El i ta fasi kusas garandi ku no ka pudi ntindi, ku milagris ciu ku no ka pudi konta.

¹⁰ I ta da cuba pa con, i manda yagu riba di lugaris.

¹¹ I ta pui jinti batidu na un kau altu; kilis ku na cora, i ta yalsa elis pa un kau suguru.

¹² I ta kunfundi planus di jinti jiru pa mal, pa ka se mon pudi kabanta ke ke misti fasi.

¹³ I ta paña jirus na se jiresa di kabalindadi; planus di jinti mau ta bin kai na nada.

¹⁴ Sukuru ta bin riba delis di dia; me-dia e ta palpa suma di noti.

¹⁵ Deus ta libra di spada kilis ku ten falta, i ta tira elis na mon di jinti forti.

¹⁶ Asin i ta ten speransa pa koitadi; jinti mau ta tapadu boka.

¹⁷ “Sortiadu kil ku Deus kuriẑi; ka bu njuti disiplina di kil ku ten tudu puder.

¹⁸ El i ta fasi caga, i ta maral; i ta fidi, ma si mon ta kura.

¹⁹ I na librau di seis foronta; na setimu, mal ka na toka na bo.

²⁰ Na fomi i na librau di mortu; na gera i na librau di puder di spada.

²¹ Bu na guardadu di suti di lingua; bu ka na medi violensia ora ki ciga.

²² Bu na ri di violensia ku fomi; bu ka na medi limarias brabu.

²³ Bu na tene kontratu ku pedras di lugar; limarias di matu na sedu bu amigus.

²⁴ Bu na sibi kuma bu tenda sta suguru; bu na jubi na kusas ku bu tene, nada ka na falta.

²⁵ Bu na sibi kuma bu fijus na ciu, tok bu jorson sedu suma paja na con.

²⁶ Bu na rukujidu pa koba ora ku bu sedu inda forti na bu bejisa, suma ku maradura di arus ta rukujidu na si tempu.

²⁷ “No jubi e palabra diritu, no oja kuma i bardadi. Obil, bu pensa nel, bu tomal pa bo.”