Ester 10 - BIBLIA - traduson antigu in Krioulo

Garandesa di Mardokeu

¹ Dipus de kusas, rei Asueru kobra mpustu na tudu tera suma na jius.

² Tudu kusas di puder ku balur ki fasi, ku storia di manera ki pui Mardokeu sedu garandi, e sta skritu na libru ofisial di reis di Media ku Persia.

³ Judeu Mardokeu bin sedu sugundu di rei Asueru. I algin garandi pa si ermons judeu; tudu multidon delis gostaba ciu del, pabia i ta buska ben di si pobu, i tarbaja pa tudu pudi kuri diritu pa tudu judeus.