Ditus 29 - BIBLIA - traduson antigu in Krioulo

¹ Omi ku raprindidu manga di bias, i ndurusi si korson, di repenti i na kebrantadu, i ka na ten kura.

² Ora ku justus na manda, pobu ta kontenti, ma ora ku algin mau na manda, pobu ta jimi.

³ Omi ku ama jiresa i ta kontenta si pape, ma kumpañer di minjeris di mau vida i ta gasta si rikesa na nada.

⁴ Rei ta firmanta tera ku justisa, ma amigu di diñeru ta danal.

⁵ Omi ku ta ngaba si kumpañer i na yarmal armadilia pa si pe.

⁶ Omi mau na pañadu na armadilia di si pekadu, ma algin justu ta kontenti, i kanta.

⁷ Omi justu ta pui sintidu na kasu di koitadis, ma omi mau i ka ta misti sibi nada delis.

⁸ Orgulyosus ta lantanda baruju na prasa, ma jirus ta kalma raiba.

⁹ Si omi jiru keŝa di tulu, tulu ta paña raiba, o i ta ri; nada ka ta bai.

¹⁰ Omis ku ta darma sangi e ta aburisi algin di bardadi, ma jinti retu e ta buska ben pa el.

¹¹ Tulu ta pajiga tudu si raiba, ma algin jiru ta kontrolal.

¹² Si un gubernadur para sintidu na mintidas, tudu si ŝefis na bin sedu munturus.

¹³ Koitadi ku kil ku ta kalkal e junta na un kusa: SIÑOR pui tudu dus pa e oja.

¹⁴ Rei ku ta julga koitadis konformi bardadi, si tronu ta sta sempri suguru.

¹⁵ Mantampa ku disiplina ta da jiresa, ma rapas ku disadu fasi ke ki misti i ta pui si mame na borgoña.

¹⁶ Ora ku jinti mau na buri, pekadu ta buri, ma justus e na bin oja se kaida.

¹⁷ Kria bu fiju diritu, i ta dau pas, i tisi kontentamentu pa bu vida.

¹⁸ Si rekadu di Deus ka ten, pobu ta yanda sin ordi, ma kil ku obdisi lei i sortiadu.

¹⁹ Servu ka pudi kuriẑidu son ku palabras. Mesmu ki ntindi, i ka na obdisiu.

²⁰ Bu ciga di oja un omi turmentadu na si palabra? I ten mas speransa pa tulu di ki pa el.

²¹ Si bu da servu tudu ki misti desdi pikininu, un dia i na misti sedu bu fiju.

²² Omi ku ta paña raiba i ta lantanda jus, i ta buri pekadus.

²³ Orgulyu di omi i ta batil, ma algin ku tene spiritu umildi i ta ngaña rispitu.

²⁴ Kin ku fasi sos ku ladron i sta kontra si propi vida. I ka osa konta bardadi, ma i na maldisuadu.

²⁵ Medu ku algin ten pa omi i na sedu si armadilia, ma kin ku fiansa na SIÑOR i sta suguru.

²⁶ Manga di jinti ta buska fabur di kil ku na manda, ma pa omi, justisa ta bin di SIÑOR.

²⁷ Justus ka pudi nguenta omi tortu; jinti mau ka pudi nguenta kil ku ta yanda na kamiñu retu.