Ditus 20 - BIBLIA - traduson antigu in Krioulo

¹ Biñu i trosadur; bibida forti i ta tisi baruju. Kin ku sta nganadu pa biñu, nunka i ka na jiru.

² Raiba di rei i suma gritu di lion. Kil ku lantandal, i na pui si vida na pirigu.

³ I rispitu pa disinvita jus, ma tudu tulu i ta miti nel.

⁴ Prigisosu ku ka labra na tempu propi, na tempu di kebur i ta misti, ma i ka ta oja.

⁵ Pensamentu di omi i suma yagu na fonti fundu, ma omi ntindidu i pudi tiral fora.

⁶ Kada kin na papia aserka di si bondadi, ma omi fiel, kin ku pudi ojal?

⁷ Fijus na sortiadu si se pape sedu justu, i ta yanda na bardadi.

⁸ Si un rei sinta na si tronu pa julga, si uju ta nota pa mal, i ta tiral.

⁹ Kin ku pudi fala kuma i purifika si korson, i sta limpu di si pekadu?

¹⁰ Dus pedra di balansu ku dus midida i nujenti pa SIÑOR.

¹¹ Te mininu ta kunsidu pa kusas ki ta fasi, si ki kusas i bon i retu.

¹² Oreja ku ta obi ku uju ku ta oja, SIÑOR fasi elis, tudu dus.

¹³ Si bu ama sonu, bu na fika koitadi; yabri uju, bu ta kume, bu farta.

¹⁴ Kumpradur ta fala: “I ka bali, i ka bali!” Dipus i ta bai ngaba kusa ki kumpra.

¹⁵ Uru ku pedras di balur e ciu, ma palabras jiru i suma joia bonitu.

¹⁶ Kil ku fika suma fiadur pa algin ki ka kunsi, i na tira si ropa, i mpiñal.

¹⁷ Kumida ku algin ngaña ku tarpasa i pudi sabi na ki ora, ma dipus i na sedu suma kaskaju na si boka.

¹⁸ Ku konsiju bu planu pudi bai dianti; si bu na fasi gera, buska konsiju jiru.

¹⁹ Kil ku ta yanda i na papia, i ta tira sigridu. Ka bu miti ku algin ku ta papia ciu dimas.

²⁰ Kin ku maldisua si pape o si mame, si kanderu na pagadu; i ta fika na sukuru.

²¹ Si bu janti pa toma yardansa, na kabantada i ka na sedu benson pa bo.

²² Ka bu fala: “N na torna e mal!” Spera na SIÑOR; el i ta librau.

²³ Dus pedra di balansu i nujenti pa SIÑOR. Balansu di nganu i ka bon.

²⁴ I SIÑOR ku ta gia pasu di omi. Nta kuma ku omi pudi ntindi kamiñu ki na yanda nel?

²⁵ I pirigu pa omi turmenta fala kuma i na dedika un kusa pa Deus, i kumsa pensa son dipus di si votu.

²⁶ Rei jiru ta diskubri jinti ku ta fasi mal, i kastiga elis.

²⁷ Konsiensia di omi i kanderu di SIÑOR ku ta rabista dentru di korson.

²⁸ Amor ku bondadi ta guarda rei; ku bondadi i ta firmanta si tronu.

²⁹ Fajamentu di jovens i se forsa; bonitasku di bejus i kabelu branku.

³⁰ Caga ku dur ta serka maldadi na algin; suti ta limpa te dentru di korson.