Ditus 19 - BIBLIA - traduson antigu in Krioulo

¹ Minjor pa sedu koitadi ku ta yanda na bardadi, di ki tulu munturus.

² I ka bon pa fasi un kusa sin pensa; kil ku ta turmenta na fasi kusa i ta bin yara.

³ Tulesa di omi ta dana si vida, ma dipus i ta bin paña raiba di SIÑOR.

⁴ Rikesa ta buri amigus, ma amigus di koitadi e ta bandonal.

⁵ Tustumuña ku konta mintida i ten ku kastigadu; munturus ka na kapli.

⁶ Manga di jinti ta bari paja na ŝef; kada kin i amigu di kil ku ta pati kusas.

⁷ Si ermons di un koitadi ka gosta del, ku fadi si amigus e ta lunjusi del. I ta kuri tras delis ku pididus, ma i ka na yangasa elis.

⁸ Kil ku ngaña ntindimentu i ama si vida; kil ku guarda si jiresa, kusas ta kuril diritu.

⁹ Tustumuña ku konta mintida i ka na kapli; munturus i ten ku kastigadu.

¹⁰ I ka bali pena pa tulu tene vida riku; katibus ka dibi di manda riba di ŝefis.

¹¹ Ntindimentu ta pui algin pa i nguli si raiba; kil ku ta purda i ta ngaña rispitu.

¹² Raiba di rei i suma gritu di lion, ma si fabur i suma serenu riba di paja.

¹³ Fiju tulu ta dana vida di si pape; minjer ku ta jusia i suma tornera ku ta pinga tudu dia.

¹⁴ Kasa ku rikesa i yardansa ku bin di papes, ma minjer jiru i ta bin di SIÑOR.

¹⁵ Prigisa ta pui algin na sonu fundu; nganadur ta bin sufri fomi.

¹⁶ Kil ku obdisi mandamentus i ta guarda si vida, ma kil ku njuti kamiñu di SIÑOR i na muri.

¹⁷ Kin ku pati koitadi un kusa, i pista SIÑOR; SIÑOR na bin pagal si bondadi.

¹⁸ Kria bu fiju diritu nkuantu i ten inda speransa. Si bu ka fasi asin, bu na judal pa i muri sedu.

¹⁹ Omi ku lestu pa paña raiba i ten ku sufri si kastigu. Si bu libral purmeru bias, bu na pirsisa di fasil mas.

²⁰ Obi konsiju, bu seta nsinamentu, pa bu sedu jiru te na fin di bu vida.

²¹ Manga di ideia ta sta na kabesa di omi, ma i vontadi di SIÑOR ku na fasidu.

²² Omi ku ta misti kusas son pa el, i borgoña. I minjor pa sedu koitadi di ki munturus.

²³ Rispitu pa SIÑOR ta leba algin pa vida. Kil ku tenel i ta fika kontenti; mal ka na yangasal.

²⁴ Prigisosu ta miti mon na pratu, ma i ta prigisa yalsal pa boka.

²⁵ Si bu suta algin ku ta fasi trosa, kil ku ka jiru inda i ta toma avisu; si bu raprindi ntindidu, i na buri kuñisimentu.

²⁶ Kil ku ta maltrata si pape, i serka si mame, i fiju ku ta tisi borgoña ku puku rispitu.

²⁷ Ña fiju, si bu para obi nsinamentu, bu na disvia di kil ku bu sibi ja.

²⁸ Tustumuña di tarpasa ta tursi justisa. Boka di algin tortu i ta nguli pekadu.

²⁹ Kastigu sta purparadu pa kilis ku ta fasi trosa; kostas di tulus na pera mantampa.