Ditus 17 - BIBLIA - traduson antigu in Krioulo

¹ Minjor un bokadu di kumida seku, ku susegu, di ki kasa ku inci karni, ku jus.

² Katibu jiru na ten forsa riba di fiju ku ta tisi borgoña; i na toma si parti di yardansa suma un ermon.

³ Prata ku uru ta probadu ku fugu, ma SIÑOR ta proba korsons.

⁴ Omi mau ta para sintidu na palabra di planu mau; munturus ta mpina si oreja pa palabra di mintida.

⁵ Kil ku fasi trosa di koitadi i na koba Deus ku kumpul. Kil ku na ŋumini utru na kastigu, el propi i ka na kaplil.

⁶ Koroa di bejus i sedu se netus; fijus e ta sinti orgulyu di se papes.

⁷ I ka bon pa tulu papia palabra garandiosu, ku fadi pa un ŝef sedu munturus.

⁸ Kil ku ta da suku di bas i ta ojal suma pedra di sorti; kualker kau ki bai son, i ta sedu purbitu pa el.

⁹ Kil ku ta purda, i diskisi, i ta buska amor, ma kil ku ta garbata asuntu i ta rapati garandi amigus.

¹⁰ Si algin raprindi un omi ntindidu, kila i ta mas ngaña jiresa di ki tulu ku sutadu sen bias.

¹¹ Un omi mau ta buska son disobdiensia, ma i na mandadu algin kontra el ku ka na ten pena del.

¹² I minjor pa kontra ku onsa ku robadu si fijus te pa kontra ku tulu na si tulesa.

¹³ Si algin fasidu ben, i torna mal, mal ka na sai na si kasa.

¹⁴ Pa kumsa jus i suma yagu ku kumsa rumpi orik. Mas minjor bu disa asuntu pa ka i bin torna garandi.

¹⁵ Kil ku da roson pa kulpadu, ku kil ku kondena justu, e nujenti pa SIÑOR, tudu dus.

¹⁶ Ke ki bali pena pa tulu tene diñeru pa kumpra jiresa, suma i ka ten ntindimentu?

¹⁷ Amigu ta ama sempri. Na tempu di foronta algin ta ngaña ermon.

¹⁸ Son omi ku ka tene bon pensamentu ku ta seta sedu fiadur di si kumpañer.

¹⁹ Kil ku gosta di jus i gosta di pekadu. Kil ku ronka si rikesa i na kumbida ladron.

²⁰ Omi di korson tortu, kusas ka na kuril diritu. Kil ku tene dus kombersa i na bin kai na mal.

²¹ Pape di tulu i ta ten tristesa, i ka pudi fika kontenti.

²² Korson kontenti ta da saudi, ma spiritu kebrantadu i ta bin seka os.

²³ Omi mau ta seta suku di bas na sigridu pa tursi justisa.

²⁴ Omi ntindidu na pui si uju na jiresa, ma uju di tulu ta bai pa manga di lugar.

²⁵ Fiju tulu i tristesa pa si pape, i kasabi pa mame ku padil.

²⁶ I ka bon pa kastiga algin ku ka ten kulpa, ku fadi pa ŝefis suta kil ku na tarbaja diritu.

²⁷ Kin ku ten kuñisimentu i ta domina si palabra; omi di ntindimentu i ta fika kalmu.

²⁸ Te tulu, si i fica boka, jinti ta pensa kuma i jiru, i ntindidu.