1 Kronikas 9 - BIBLIA - traduson antigu in Krioulo

Kilis ku riba di katiberasku pa Jerusalen

¹ Tudu Israel reẑistadu na libru di reis di Israel. Pobu di Judá lebadu prezu pa Babilonia pabia di se pekadu.

² Purmeru jinti ku riba pa mora na se propi terenu o na se prasas e seduba utru israelitas, saserdotis, levitas ku serventis di templu.

³ Utru jinti di jorsons di Judá, Benjamin, Efrain ku Manasés e bai mora na Jerusalen, ku sedu esis:

⁴ Utai, fiju di Amijud, fiju di Onri, fiju di Inri, fiju di Bani, di familia di Perez, fiju di Judá;

⁵ di silonitas: Asaias, purmeru fiju, ku si fijus;

⁶ di fijus di Zerá: Jeuel ku si ermons. Tudu jinti di jorson di Judá i 690.

⁷ Di jorson di Benjamin i bai Salu, fiju di Mesulan, fiju di Odavias, fiju di Asenua;

⁸ ku Ibneias, fiju di Jeroan; ku Elá, fiju di Uzi, fiju di Mikri; ku Mesulan, fiju di Sefatias, fiju di Reuel, fiju di Ibnijas.

⁹ Tudu jinti di jorson di Benjamin, konformi se reẑistu, i 956. Tudu ki omis ku se nomis skirbidu li i ŝefis di familia.

¹⁰ Di saserdotis: Jedaias, Jeoiarib, Jakin,

¹¹ Azarias, fiju di Ilkias, fiju di Mesulan, fiju di Zadok, fiju di Meraioti fiju di Aitub, ŝef di kasa di Deus;

¹² Adaias, fiju di Jeroan, fiju di Pasur, fiju di Malkias, ku Maasai, fiju di Adiel, fiju di Jazera, fiju di Mesulan, fiju di Mesilemit, fiju di Imer,

¹³ ku se ermons. Numeru di saserdotis ku seduba ŝefis di familia i 1.760; elis i omis di kapasidadi pa sedu nkargadu di tarbaju di kasa di Deus.

¹⁴ Di levitas: Semaias, fiju di Asub, fiju di Azrikan, fiju di Asabias, di jorson di Merari;

¹⁵ Bakebakar, Eres, Galal, Matanias, fiju di Mika, fiju di Zikri, fiju di Asaf;

¹⁶ Obadias, fiju di Semaias, fiju di Galal, fiju di Jedutun; Berekias, fiju di Asa, fiju di Elkana, ku moraba na tabankas di netofatitas.

¹⁷ Porterus: Salun, Akub, Talmon, Aiman, ku se ermons; Salun seduba se ŝef.

¹⁸ Te na ki tempu e pudu pa sedu guardas di porton di rei ku ta fikaba pa ladu di lesti. Esis i jinti ku tiradu na kampamentu di levitas pa sedu porterus.

¹⁹ Salun, fiju di Kore, fiju di Ebiasaf, fiju di Koré, ku se ermons di familia di koraitas, e daduba kargu di fasi sirvis di guarda entrada di tenda, suma ku se papes seduba nkargadu di kampamentu di SIÑOR, pa guarda si entrada.

²⁰ Fineias, fiju di Eleazar, i ta ŝefiaba elis; SIÑOR staba ku el.

²¹ Zakarias, fiju di Meselemias, i ta guardaba porta di tenda di juntamentu.

²² Na tudu, 212 omi kujidu pa sedu guardas di entradas. E reẑistadu konformi se tabankas. Davi ku anunsiadur Samuel, elis ku kumsa kuji jinti pa e kargu di guarda.

²³ Elis ku se jorson e fika ku kargu di guarda portons di kasa di SIÑOR, ku seduba tenda na purmeru.

²⁴ Porterus e staba na kuatru ladu — lesti, kaida di sol, norti ku sul.

²⁵ Se ermons ku moraba na se tabankas e ta binba na tempus markadu pa juda elis na sirvis pa seti dia.

²⁶ I tenba kuatru ŝef di porterus ku seduba levitas, ku tenba kargu di kuartus ku armazens di kasa di Deus.

²⁷ Di noti e ta fikaba na roda di kasa di Deus, pabia i elis ku sedu responsavel pa guardal, tambi pa yabril tudu dia parmaña.

²⁸ Utru levitas e tenba konta di vasus pa tarbaju na templu; e ta fasi konta delis ora di yentra ku sai.

²⁹ Utrus e toma konta di guarda tudu mobilia ku tudu material sagradu, suma tambi foriña finu, biñu, azeiti, nsensu ku kusas ku ta da bon gustu.

³⁰ Jinti responsavel pa jagasi ki kusas sabi seduba utru saserdotis.

³¹ Un koraita comadu Matitias, purmeru fiju di Salun, i kujidu na metadi di levitas, i dadu kargu di fasi pon finu di ofertas.

³² Utru ermons di familia di Koat e tenba kargu di purpara pon sagradu ku ta pudu na mesa na templu kada dia di diskansu.

³³ Utru levitas, ŝefis di familia, ku seduba kantaduris, e ta moraba na kuartus di templu; e ka ta fasiba utru sirvis, pabia e staba ja okupadu na ki tarbaju di kanta, di dia ku di noti.

³⁴ Tudu e jinti i ŝefis di familia di levitas, reẑistadu suma ŝefis na se jorson. E moraba na Jerusalen.

Jorson di rei Saul

³⁵ Jeiel funda prasa di Jibeon, i mora la. Nomi di si minjer i Maaka.

³⁶ Si purmeru fiju i seduba Abdon; dipus i padi Zur, Kis, Baal, Ner, Nadab,

³⁷ Jedor, Aió, Zakarias ku Miklot

³⁸ ku bin padi Simeia. Esis e moraba na Jerusalen, pertu di se ermons.

³⁹ Ner padi Kis; Kis padi Saul; Saul padi Jonatas, Malkisua, Abinadab ku Es-Baal.

⁴⁰ Jonatas padi Merib-Baal; Merib-Baal padi Mika.

⁴¹ Fijus di Mika: Piton, Melek ku Tareá.

⁴² Akaz padi Jaerá; Jaerá padi Alemet, Azmavet ku Zinri. Zinri padi Moza;

⁴³ Moza padi Binea ku padi Refaias. Refaias padi Eleasá ku padi Azel.

⁴⁴ Azel padi seis fiju ku teneba e nomis: Azrikan, Bokru, Ismael, Searias, Obadias ku Anan.