1 Kronikas 27 - BIBLIA - traduson antigu in Krioulo

Grupus di tropas

¹ Es i lista di ŝefis di familia di Israel, kapitons di mil ku di sen, ku administraduris ku ta sirbiba rei. Kada mis di anu, un grupu di 24.000 omi ta yentraba pa tarbaja pa un mis; dipus i ta sai; utru grupu ta yentra.

² Jasobean, fiju di Zabdiel, i staba riba di purmeru grupu di 24.000 ku yentra na purmeru mis.

³ I seduba di familia di Perez, i staba riba di tudu kapitons di tropa pa ki purmeru mis.

⁴ Dodai, aoita, i staba riba di grupu di 24.000 pa sugundu mis. Miklot seduba sugundu ŝef na grupu.

⁵ Riba di grupu di 24.000 pa terseru mis i staba Benaia, ŝef di tropas, fiju di saserdoti Jeoiada.

⁶ Es i ki Benaia ku tenba fama na metadi di ki trinta, ku bin sedu se ŝef. Si fiju Amizabad i seduba sugundu ŝef di si grupu.

⁷ Asael, ermon di Joab, i staba riba di grupu di 24.000 pa kuartu mis. Si fiju Zebadias i toma si lugar.

⁸ Samut, israita, i seduba ŝef riba di grupu di 24.000 pa kintu mis.

⁹ Ira, fiju di Ikes, di Tekoa, i staba riba di grupu di 24.000 pa sestu mis.

¹⁰ Elez, pelonita, di jorson di Efrain, i staba riba di grupu di 24.000 pa setimu mis.

¹¹ Sibekai, di Usa, di familia di zeraitas, i staba riba di grupu di 24.000 pa oitavu mis.

¹² Abiezer, di Anatot na tera di Benjamin, i staba riba di grupu di 24.000 pa nonu mis.

¹³ Maarai, netofatita, di familia di zeraitas, i staba riba di grupu di 24.000 pa desimu mis.

¹⁴ Benaia, piratonita, di jorson di Efrain, i staba riba di grupu di 24.000 pa mis di 11.

¹⁵ Eldai, netofatita, di familia di Otniel, i staba riba di grupu di 24.000 pa mis di 12.

Administraduris di jorsons

^16-22 Esis i administraduris ku staba riba di jorsons di Israel: Riba di rubenitas: Eliezer, fiju di Zikri; riba di simeonitas: Sefatias, fiju di Maaka; riba di levitas: Asabias, fiju di Kemuel; riba di aronitas, Zadok; riba di Judá: Eliu, ermon di Davi; riba di Isakar: Onri, fiju di Mikael; riba di Zebulon: Ismaias, fiju di Obadias; riba di Naftali: Jerimot, fiju di Azriel; riba di Efrain: Oseias, fiju di Azazias; riba di metadi di Manasés: Joel, fiju di Pedaias; riba di utru metadi di Manasés, na tera di Jilead: Idu, fiju di Zakarias; riba di Benjamin: Jaasiel, fiju diAbner; riba di Dan: Azarel, fiju di Jeroan. Esis i administraduris di jorsons di Israel.

Riba di rubenitas: Eliezer, fiju di Zikri;

²³ Davi ka reẑista nomis di omis ku ka cigaba inda vinti anu, pabia SIÑOR falaba kuma i na buri Israel pa e ciu suma strelas di seu.

²⁴ Joab, fiju di Zeruia, i kumsaba toma numeru di jinti, ma i ka bin kabantal, manera ku raiba duru kai riba di Israel pabia di ki resensiamentu. E ku manda numeru kompletu i ka bin pudu na libru di reẑistu di rei Davi.

Administraduris di rei

²⁵ Azmavet, fiju di Adiel, seduba responsavel di armazens di rei. Jonatas, fiju di Uzias, seduba responsavel di armazens di pontas, di prasas, tabankas ku toris di bisia.

²⁶ Ezri, fiju di Kelub, seduba responsavel di tarbaju di pontas ku labur.

²⁷ Simei di Ramá seduba responsavel di ortas di uva. Zabdi, sifmita, seduba responsavel di uvas ku ta bai pa armazens di biñu.

²⁸ Baal-Anan di Jeder seduba responsavel di ortas di olivera ku figera brabu ku staba na kampadas. Joás seduba responsavel di armazens di azeiti.

²⁹ Sitrai, saronita, seduba responsavel di limarias ku ta bakiaduba na Saron. Safat, fiju di Adlai, seduba responsavel di limarias ku staba na kobons.

³⁰ Obil, ismaelita, seduba responsavel di kamelus. Jedeias, meronotita, seduba responsavel di burus.

³¹ Jaziz, agrita, seduba responsavel di karnel ku kabras. Esis tudu seduba administraduris di rikesa di rei Davi.

³² Jonatas, tiu di Davi, i seduba omi jiru ku ta daba bon konsiju, ku kunsiba letras diritu. Jeiel, fiju di Akmoni, i seduba nkargadu di edukason di fijus di rei.

³³ Aitofel seduba konsijadur di rei. Usai, arkita, i amigu di rei.

³⁴ Dipus di mortu di Aitofel, Jeoiada, fiju di Benaia, ku Abiatar, e toma si lugar. Joab seduba ŝef di tropas di rei.