1 Jon 1 - BIBLIA - traduson antigu in Krioulo

Palabra di vida

¹ No na skirbi aserka di Palabra di vida ku tenba disna di kumsada. No obil, no ojal ku no uju, no jubil, no mon toka nel.

² Ki vida bin bida na manera ki pudi ojadu. Anos no ojal, no konta aserka del; no diklara bos ki vida ku ka ta kaba ku staba ku si Pape, ku no bin mostradu.

³ Kil ku no obi, ku no oja, el ku no na konta bos, pa bo pudi junta ku nos na no ligason ku no Pape, ku si Fiju Jesus Kristu.

⁴ No skirbi bos e kusas pa no alegria pudi sta kompletu.

Deus i lus

⁵ Es i rekadu ki danu, ku no na konta bos, kuma Deus i lus. Nin sukuru ka sta nel.

⁶ Si no fala kuma no sta ligadu ku el, ma no na yanda na sukuru, no na konta mintida ku no boka, ku no manera di yanda.

⁷ Si no na yanda na lus, suma ku el i sta na lus, no ta liga ku ŋutru; sangi di Jesus, si Fiju, i ta limpanu di tudu pekadu.

⁸ Si no fala kuma no ka tene pekadu, no na ngana no kabesa; bardadi ka sta na nos.

⁹ Si no konfesa no pekadus, suma el i justu, i di konfiansa, i ta purda no pekadus, i ta limpanu di tudu kusa mau,

¹⁰ ma si no fala kuma no ka fasi pekadu, no na comal munturus. Si palabra ka sta na nos.