TUMWÖY 58 - PIPÏLIA

¹ Omutwekwa ngal ompö man, nya ochï pöytoghï? Orwokyinekwa pich löwïr ompö man nya?

² Ewo! Omitekwa ononöy oghe cho ghach pat, morikwa chini kepï pörchö koronï.

³ Kitosonchö pich cho ghach kïngata otini kikïsïch akïputï kïngeta otini kikïyï.

⁴ Tïngeto ngwonö nyo lata nyo pö moroy, kikar yitikwa kïminyö le mïny nyo kakar yitïn,

⁵ nyo melö lïmöy kutïwa pich cho kuröy nyo kïrkegh kökur ponin lö ne.

⁶ Riyö kela ngötunywechï, we Tororöt, aikölöngwï chamankökwa, we ECHOTYON.

⁷ Nya kuwer le pögh cho yintoy, nya ketïkata le sus cho mi arawet.

⁸ Nya kuwer le nyïpïta nyo yomöy anta le monïng nyo kachïnï nyo melö sïwïyi asis

⁹ Kïtomö kïpitï kato, nya kupuktö nyinte ompö nörekyö, otini tökïsöpchot.

¹⁰ Ngörechot pipö man otini kitökisïyi. Tïkotoy chane kisön pö mwokïyis.

¹¹ Lentöy nyu pich, “Nyoman nyoru pipö man ropöwon! Nyoman mi Tororöt nyo rwokyini ngwïny.” Ompö kintöghoghinto tumï. Kïrïp kegh nko tum pö “Menyar.” Tum pö Daudi, otini kiyoktö Saulö pich kusyep ompö katanyi atökïpar.