TUMWÖY 53 - PIPÏLIA

¹ Lentöy sölwöy ompö kinonutkökwa, “Möminye Tororöt!” Kikunyorisyö chane löwïr akïmi kwighöy lelut. Möminye nyo le ompö akonga nyo ighöy man.

² Topönuno Tororöt yïm kurosöy ptangengmöt atökïsïwa lö mi chi nyo ngöghom nyo söghöy Tororöt.

³ Wölo kikupotyö chane löwïr akikïghachitu. Möminye nyo le ompö akonga nyo ighöy man.

⁴ Möpköchinicha so kïgh, pïchï ighöy ngokï, cho omöy piköchan le wölo omtoy makatin akïmösoghöcha Tororöt?

⁵ Potonchot chane ompö mïghöt nyo kitomönye kïsïwa chane, ompöwölo toyot Tororöt pich cho pokyinokwa, nyoru arasï, ompöwölo kikïpïstö Tororöt chane.

⁶ Osoghan nyoman lö tengwïna sörunöto Israel Sayon!* Ekïngörechot kïtya pipö Israel ato igh Tororöt pikachi kïsïch perur ngat. Akanya kïturön Yakopo akïngörekyö pipö Israel. Ompö kintöghoghinto tumï. Kïpöghisyegho pïkan. Tum pö Daudi otini kipa pipö Sip kïmwochï Saulö lö, “Wïnyo kegh Daudi kwenuncha.”