TUMWÖY 5 - PIPÏLIA

¹ Iter ngalechan, we ECHOTYON, ailïm kikikötenyan.

² Iter kutito riratenyan, nyi pöytoghintenyan aichï Tororötïnyan, ompöwölo nyi nyini osoghan.

³ Ilïmenyi kutinyan, we ECHOTYON, otini le tökwoghö, okoninyi amöros otini kewas akönyan mölyöngunötengu.

⁴ Melö ichinyi Tororöt nyo ichömo kegh ngokï. Mötöponye ghöyityö wölo imitenyi.

⁵ Meghyongocha tawungu cho kwolöy kegh. Ireyenyi pich cho ighöy ngokï.

⁶ Inyorenyi cho mwoghöy putintön. Reyöy ECHOTYON pich cho mïltoy kisön nko cho tïsöy pich.

⁷ Wölo ongwïnan Kongu ompö chomnyengu nyo pö kokay atasaghinyi ompö rïngata kegh ompö Kongu nyo tïlil.

⁸ Otïngetan pung cho chang, we ECHOTYON! Ntöghoghwante ataghan machatengu. Igha arengu nyo orïpan kïghïtö.

⁹ Möminye man kutïwekwa. Nyïghitate kiwurata mïkuliskökwa. Pïrïm nyo yatate sïghinywekwa. Ngölono kong ngölyepkökwa.

¹⁰ Irwokyï chane ompö lelutyengwa, we Tororöt aikany kupïtyö chane ompö tötutkökwa. Inategha chane ompö tawungu akwompö ngokikwa cho chang, ompöwölo kapenyinyi chane.

¹¹ Wölo itö ngörekyö pich löwïr cho ghïpchegho wölo imitenyi, atökïtum chane kïtenö osis ompö ngörekyö ikomönenyi chane, tökïngörekyö pich löwïr cho chömöy kaynengu.

¹² Ompöwölo isoyönenyi chi pö man, we ECHOTYON. Ikörteghonyi nyinte kisoyönöt le longa. Ompö kintöghoghinto tumï, nyo kïtumo pikachi. Kïrïp kegh nko Syeminit. Tum pö Daudi.