TUMWÖY 47 - PIPÏLIA

¹ Arapacha morikwa löwïr, puntonï! Asala Tororöt ompö kutïw cho echön.

² Pö otyogh ECHOTYON nyo Töror Tya, pöytoy ngwïny kïmïkul.

³ Kïrïntocha punton ompö owesyenyi akutö chane moricha.

⁴ Kikïlwecha kor nyo kïmïlöy Yakopo nyo le chamanenyi.

⁵ Kapus Tororöt konyi akisölöy, kapus ECHOTYON akekutini kontin.

⁶ Asala Tororöt, asala nyinte! Asala pöytoghintencha, asala nyinte!

⁷ Tororöt kï pöytoghinto ngwïny kïmïkul, asala nyinte ompö tumwöy.

⁸ Nyinte Tororöt nyo pöytoy punton löwïr, töpo ngacharunyi nyo tïlil nyo pö paytagh.

⁹ Ketuyö kegh pöytoghi punton nko pipö Tororöt pö Apraam nyökon löwïr cho mi ngwïny kï pö Tororöt, töror nyinte tya. Tum pö werpö Kora.