TUMWÖY 24 - PIPÏLIA

¹ Pö ECHOTYON ngwïnya nko kïgh anka tïkwïl nyo mi orinyi, nyenyi ngwïnya nko löwïr cho möngöy ori.

² Kitorö tekatenyi nanam ori akutö pchörinechi pögh cho mi ngwïny ori.

³ Ngo nyo pustoy kutïng pö ECHOTYON? Akï ngo nyo muköy kïlïtöy Konyi nyo tïlil?

⁴ Kïpoto chi nyo mötïngnye sïrïp akï kïltït mïkulöwunyi nyo melö soghöy körkeyïntin anta wolwolisyö ompö putintön.

⁵ Nyoru kisoyönöt ompö ECHOTYON nko man ompö Tororöt pö sörunötenyi.

⁶ Pïnwöy cho lata choni cho yöröy Tororöt, chane cho yöröy Tororöt pö Yakopo.

⁷ Ayata kegh, we kukötichï, akwa kukoti könyisyok! Atökungwïn pöytoghintö nyo oror kïlït ori.

⁸ Ngo pöytoghintonï oror? ECHOTYON nyo awes, nyinte nyo rïntoy ompö poryot!

⁹ Ayata kegh we, kukotichï, akwa kukoti könyisyok! Atökungwïn pöytoghintö nyo oror kïlït ori.

¹⁰ Ngo pöytoghintonï oror? ECHOTYON Kimuktoghin, nyinte kï pöytoghin nyo oror! Tum pö Daudi.