TUMWÖY 14 - PIPÏLIA

¹ Lentöy sölwöy ompö kinonutkökwa, “Möminye Tororöt!” Kikunyorisyö chane löwïr, akïmi kwighöy tïkwïn cho ghach. Möminye nyo le ompö akonga nyo ighöy man.

² Topönuno ECHOTYON yïm kurosöy ptangengmöt atökïsïwa lö chi nyo ngöghom nyo soghöy Tororöt.

³ Wölo kikïchumponchö chane löwïr akunyorisyö. Möminye nyo le ompö akonga nyo ighöy man.

⁴ Möpköchinicha so kïgh mwokïyis? Omöy chane piköchan le makatin akïmösoghöcha ECHOTYON.

⁵ Potonchot chane ompö mïghöt, ompöwölo mi ECHOTYON nko pïnwöy cho pö man.

⁶ Oreyekwa cho, ochï mwokïyis tötut pö pipö man, wölo ghïpo chane wölo mi ECHOTYON.

⁷ Osoghan nyoman lö tengwïna sörunöto Israel Sayon!* Ekïngörechot kïtya pipö Israel ato igh ECHOTYON pikachi kïsïch perur ngat. Akanya kïturön Yakopo akïngörekyö pipö Israel. Tum pö Daudi.