TUMWÖY 136 - PIPÏLIA

¹ Oyokyinö sörö ECHOTYON, ompöwölo karam nyinte, töpo chomnyenyi kokay.

² Oyokyinö sörö Tororöt pö tororötin, töpo chomnyenyi kokay.

³ Oyokyinö sörö Echotyonto echot töpo chomnyenyi kokay.

⁴ Nyinte onkït nyo ighöy töngönchintin cho echön, töpo chomnyenyi kokay.

⁵ Kigh nyinte yïm ompö ngöghomnyenyi, töpo chomnyenyi kokay.

⁶ Kitekunö ngwïny pögh ori, töpo chomnyenyi kokay.

⁷ Kigh asis nko arawa nko kokel, töpo chomnyenyi kokay.

⁸ Kitö asis kïpöyï pöghet, töpo chomnyenyi kokay.

⁹ Kutö arawa nko kokel kïpöyï oghö, töpo chomnyenyi kokay.

¹⁰ Kipar werpö Misri cho le poretay, töpo chomnyenyi kokay.

¹¹ Kiwuwunö pipö Israel koro Misri, pö chomnyenyi kokay,

¹² ompö ewunyi nyo awes, töpo chomnyenyi kokay.

¹³ Kipesyö Nanam nyo Pïrir kïlïkwï odeny, töpo chomnyenyi kokay,

¹⁴ akumït pipö Israel kwoghyö kwenunyi, töpo chomnyenyi kokay.

¹⁵ Kigh Parao nko piko lïkenyi kuchut pögh, töpo chomnyenyi kokay.

¹⁶ Kintöghoghchï pikachi kuwer surkwen, töpo chomnyenyi kokay.

¹⁷ Kipar pöytoghï cho owesöch töpo chomnyenyi kokay.

¹⁸ Kipar pöytoghï cho kyororöch, töpo chomnyenyi kokay,

¹⁹ Sion pöytoghinto pipö Amori, töpo chomnyenyi kokay,

²⁰ nko Ok pöytoghinto Pasyan, töpo chomnyenyi kokay.

²¹ Kitö pikachi koroswekwa kïlïkwï mïlatengwa töpo chomnyenyi kokay,

²² mïlat ompö mötworintenyi Israel, töpo chomnyenyi kokay.

²³ Melö kiwutyeghenecha otini kikïrïntecha, töpo chomnyenyi kokay,

²⁴ kityakecha ompö moriko pungköcho, töpo chomnyenyi kokay.

²⁵ Töni omisyewut kïgh anka tïkwïl nyo söpöy, töpo chomnyenyi kokay.

²⁶ Oyokyinö sörö Tororöt pö yïm, töpo chomnyenyi kokay.