OSEA 3 - PIPÏLIA

¹ Atolapay kïlenchanïn ECHOTYON, “Wïyö ngat chama korkengu nyo kaporesan nko mïrön nyo pïrchini nyinte. Icham nyinte le wölini ochömtonan pipö Israel, kïrkegh köwöghökisyö chane akïrïp tororötin walaka akïropchï ropöw körkeyïntinekwa.”

² Kïlenyona kyoyokwan korkenyan ompö ropïyeni silpa cho le taman nko mut nko kilen 150 cho pö matay.

³ Atolapay olenchan nyinte, “Itöponyi osis cho chang amegh cheporesnan anta ilïkwï koko chi anka tïkwïl, alïkwan nyu tïkwïl nyo ghanat ompö nyi.”

⁴ Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

⁵ Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.