NGÖTÏNYÖ 24 - PIPÏLIA

Ngöghomnyö nyo pö taman nko mut nko angwan

¹ Myomchï nyonyintön mwokïyis anta imach töpenö nko chane,

² ompöwölo tötoy mïkulöwekwa ngala rïmöt akïngölonöy kutïwekwa ngala sïncharat. Ngöghomnyö nyo pö tömönut odeny

Ngöghomnyö nyo pö tömönut odeny

³ Kïteköy kö ompö ngöghomnyö akechïchimo ompö pköchin.

⁴ Kinyïghitöy ompö chïreryö korïn cho pö ori cho pö köyoni, tïku mökosyö cho pïchighöch löwïr. Ngöghomnyö nyo pö tömönut odeny nko akonga

Ngöghomnyö nyo pö tömönut odeny nko akonga

⁵ Awes chi nyo ngöghom kïtïl chi nyo awes, akwawes chi nyo tïng sïkunöt kïtïl chi nyo körom,

⁶ ompöwölo imukenyi rïntone lïkengu ompö kintöghoghchin pö ngöghomnyö, akïmi rïntagh ato mi kirurï cho chang. Ngöghomnyö nyo pö tömönut odeny nko odeny

Ngöghomnyö nyo pö tömönut odeny nko odeny

⁷ Tokote tya ngöghomnyö ompö sölwö, möyotönye nyinte kutinyi ompö or. Ngöghomnyö nyo pö tömönut odeny nko sömök

Ngöghomnyö nyo pö tömönut odeny nko sömök

⁸ Kuro pich chi nyo tötöy ghöyityö, chi nyo le kipirinto ngal.

⁹ Ngokï kinonut pö sölwö akulilöy pich kichïmpisintö. Ngöghomnyö nyo pö tömönut odeny nko angwan

Ngöghomnyö nyo pö tömönut odeny nko angwan

¹⁰ Ato iryaltenyi ompö asispa kömpölelyö, kï mïnïng owesyengu. Ngöghomnyö nyo pö tömönut odeny nko mut

Ngöghomnyö nyo pö tömönut odeny nko mut

¹¹ Sörunö chane cho kimïtöy kutang meghat, aighet cho pïtyotoy kutöngöy wölo kïyengo.

¹² Ato olekwa, “Melö kinkïtöcha ngalechoni,” möpköchininye so nyinte nyini pimöy mïkulis? Amenkïtunye nyinte nyini ripöy mïkulöwungu akwighchï chi kïrïp kegh nko ighisyewutkachi? Ngöghomnyö nyo pö tömönut odeny nko mut nko akonga

Ngöghomnyö nyo pö tömönut odeny nko mut nko akonga

¹³ Werïnyu, ama kumat ompöwölo karam, akwanyïn lilyonto kumat otini ichömchömenyi.

¹⁴ Inkïtï lö lata nyoni ngöghomnyö ompö söpontöngu, ato inyorunyi, itïngetenyi kaplawach amelö wonyot kikönötengu. Ngöghomnyö nyo pö tömönut odeny nko mut nko odeny

Ngöghomnyö nyo pö tömönut odeny nko mut nko odeny

¹⁵ Mesyepisyö le mwokïyon ato syepöy möngo chi pö man, amewasta katanyi,

¹⁶ ompöwölo kïrkegh kupït chi pö man kïnyïl mut nko odeny kïtökïngetöy ngat, wölo köpïghöy nyarïl mwokïyis. Ngöghomnyö nyo pö tömönut odeny nko mut nko sömök

Ngöghomnyö nyo pö tömönut odeny nko mut nko sömök

¹⁷ Meturön ato pït punyontengu, amekany kïngarak mïkulöwungu ato chit nyinte,

¹⁸ atömasïwa ECHOTYON akïnarek, akïmaltegha chichoni nörekyenyi. Ngöghomnyö nyo pö tömönut odeny nko mut nko angwan

Ngöghomnyö nyo pö tömönut odeny nko mut nko angwan

¹⁹ Mekany kïnyïtïn pich cho ighöy ghöyityö, amomchï nyonyintön mwokïyon.

²⁰ Ompöwölo mötïngnye mwokïyon kikönöt nyo pö asïyech, kimisöy ta nyo pö söpon pö chi nyo gha. Ngöghomnyö nyo pö tömönut sömök

Ngöghomnyö nyo pö tömönut sömök

²¹ Werïnyu, wagha ECHOTYON nko pöytoghin, ametighintönchï anka ompö chane.

²² Ompöwölo itu nyarïl nyo ngwïno wölo mi chane lö tursïs, ekï ngo nyo nkït kiwurat nyo ngwïno chane kwodeny?

Ngala ngötïnyö walaka

²³ Chete tïkwïl kï ngala pich cho ngöghomöch. Melö karam kechomnyeghö pichi ompö kirwok.

²⁴ Chïpöy pich chi nyo lenchini mwokïyon, “Metïngetenyinye lelut,” akïwöch nyinte pipö punton.

²⁵ Wölo nyoru ngörekyö pich cho gheghchini mwokïyon akïtöpö kisoyönötö nyo wow parakungwa.

²⁶ Mölyöngut nyo tenate, kï lata tarokata kongot.

²⁷ Tatena ighisyengu wölnö le sany, aisat kïgh anka tïkwïl ompö parengu, ato muchö itek kongu.

²⁸ Mesöwintön paraku pöröryengu ato metïng ngölyon, amelïsisyö ompö kutingu.

²⁹ Melö, “Oghchinan nyinte lenyini keghwanïn, otökyinan nyinte kini keghwanïn.”

³⁰ Kyaweran para sosö para sapipuno chi nyo le sölwö,

³¹ ne köny! Olan aros kipita kato paranay kïghömï, kuyen sïkwuny ngwïnyi kïmïkul akunyany nayatunyi nyo kikïteka koghïn.

³² Kyarosan nyu, anonsyan nyoman, kyotopönön, anyorwan kinetut.

³³ Rïwön kite, kinuköt kite, kenyakïm morïn kite atökemuny,

³⁴ kungwïnchinyi nyu meywontön le mosin.