NEEMIA 3 - PIPÏLIA

¹ Atolapay kïtek Elyasyip Tïsin nyo Wow* nko werkökwa tïsï akïtek Kuka Kechir akutïlil akutö tekech. Kutïlil nayatu ntökutomtö Pchöri Pokol nko Pchöri Ananel.

² Kïtek pipö Yeriko kareranta anka. Kïtek Sakur wero Imri kareranta anka.

³ Atolapay kïtek ara Asena Kuka Kaghagh akutaranga pïrompur akïpölchï pölöw kukoti akwighchï möröwe.

⁴ Kïtek Meremot wero Uriya wero Akos kareranta anka. Kïtek Mesyulam wero Perekia wero Mesyesapel kareranta anka. Kïtek Sadok wero Paana kareranta anka.

⁵ Kïtek pipö Tekoa kareranta anka wölo kitagh kintöghoghikwa ighisyewut cho ketö echotkökwa chane.

⁶ Kïtek ngat Yoyada wero Pasea nko Mesyulam wero Pesodeya Kuka Yesyana kutaranya pïrompur akïpölchï pölöw kukoti akwighchï möröwe.

⁷ Kïtek Melatiya nyo kingwïna Kipyon nko Yadon nyo kingwïna Meronot nko pipö Kipyon nko Mispa kareranta anka ntökwitïta kö pö pröyönto pöytoghin ompö lalwa Yuparet okumpö ta.

⁸ Kïtek Usiel wero Araya kitonginto koltin kareranta anka. Kïtek Anania nyo le ighinto tïkwïn cho ngutoy cho onyïn kareranta anka ntökwit Nayat nyo Tapes.

⁹ Kïtek Repaya wero Ur nyo kile kirwokinto kareranpa Yerusalem kareranta anka.

¹⁰ Kïtek Yedaya wero Arumap kareranta anka ato kilekïtö konyi. Kïtek Atus wero Asyapneya kareranta anka.

¹¹ Kïtek Malkicha wero Arim nko Asyup wero Paat Moap kareranta anka nko Pchöri Nököghon.

¹² Kïtek kareranta anka Syalum wero Aloes nyo kile kirwokinto kareranta anka nyo pö Yerusalem. Kungarak tipichi nyinte.

¹³ Kïtek ngat Anun nko pich cho kimöngöy kanasyanta Sanoa Kuka Mpöghogh akïpölchï pölöw akwighchï möröwe, akï kïnotö nayatu wölo ngata miten 440 ntökwit Kuka Samï.

¹⁴ Kïtek ngat Malkicha wero Rekap nyo kile kirwokinto Pet Akerem Kuka Samï akïpölchï pölöw kukoti akwighchï möröwe.

¹⁵ Kïtek ngat Syalum wero Kolose nyo le kirwokinto Mispa Kuka Kö pö Pögh akïtekyï pörkö atolapay kïpölchï pölöw kukoti akwighchï möröwe. Atolapay kïtek nayat nyo lekïto para pöytoghin ompö Ngarpïlu Syela ntökwit ato kïröytegho Kanasyanta Daudi.

¹⁶ Kïtek kareranta anka Neemia wero Aspuk nyo kile kirwokinto kareranta anka nyo pö Petsur ntökwit möt pö Daudi akïnam ngarpïlu nko kori pipö lïk.

Pipö Lawi cho kitek nayat

¹⁷ Achï pipö Lawi cho kitek ngat nayatunoni: Kitek Reum wero Pani kareranta anka. Kïtek kareranta anka Asyapia nyo le kirwokinto kareranta anka nyo pö Keila ompö kayna korenyi.

¹⁸ Kïtek kareranta anka Papay wero Enadad nyo le kirwokinto kareranta anka nyo pö Keila.

¹⁹ Kïtek Eser wero Yeswö nyo le pöytoghinto Mispa kareranta anka ompö tawu wölo kari lïk, ntökwitïta ato kiryamegha nayat.

²⁰ Kïtek Paruk wero Sapay kareranta anka ntökwitïta kuka kö pö Elyasyip Tïsin nyo Wow.

²¹ Kïtek Meremot wero Uriya wero Akos kareranta anka ntökwit sörömu kö pö Elyasyip.

Tïsï cho kitek nayat

²² Achï tïsï cho kitek ngat nayatunoni: Kitek tïsï cho kipkono Yerusalem kareranta anka.

²³ Kïtek Penchamen nko Asyup kareranta anka nyo kimi tawu korikwa. Kïtek Asaria wero Maaseya wero Ananiya kareranta anka nyo kimi tawu konyi.

²⁴ Kïtek Pinuy wero Enadad kïtek kareran kïngata kö pö Asaria ntökwit tököghöwu nayat.

²⁵ Kïtek Palal wero Usay kareranta anka kïngeta tököghöwu nayat nko pchöri ka pöytoghin wölo toka ato lekïto kö pö ripï. Kïtek kareranta anka Pedaya wero Paros

²⁶ nko mötwori Kö pö Tororöt* cho möngöy kamaspa Opel ntökwit Kuka Pögh ato lekïto pchörï nyo kïripsyegho nyo mi okumpö kongasis.

Teki walaka

²⁷ Kïtek pipö Tekoa kareranta anka nyo pö odeny kïngata atotopönöy pchörinay kogh ntökwit nayatu kamaspa Opel.

²⁸ Kïtek söpïch pö tïsï kareranta anka kutang okumpö löt kïngata Kuka Angole. Kïtek chi tïkwïl tawu konyi.

²⁹ Kïtek Sadok wero Imer kareranta anka ompö tawu konyi. Kïtek Syemaya wero Syekania nyo le ripinto Kuka Kongasis kareranta anka.

³⁰ Kïtek Anania wero Syelemia nko Anun wero Salap nyo pö mut nko akonga karerantangwa nyo pö odeny. Kïtek Mesyulam wero Perekia kareranta anka ompö tawu konyi.

³¹ Kïtek Malkicha nyo le kitonginto koltin kareranta anka ntökwitïta köyay kimöngöy mötwori Kö pö Tororöt nko mïnchïrïs ompö tawu Kuka Mikpad ntökwitïta tököghöwu kö nyo mi parak.

³² Kïtek kitongi koltin nko mïnchïrïs kareranta anka kïngata köyay ntökwit Kuka Kechir.