NEEMIA 12 - PIPÏLIA

¹ Achï tïsï nko pipö Lawi cho kipka nko Serupapel wero Syealtiel nko Yoswö: Seraya nko Yeremia nko Esra Amaria nko Maluk nko Atus Syekania nko Reum nko Meremot Ido nko Kinetoy nko Apiya Michamin nko Madiya nko Pilka Syemaya nko Yoyarip nko Yedaya Salu nko Amok nko Ilkia nko Yedaya. Pïchete cho kile kintöghoghi tïsï ompö osiswo Yoswö. Yeswö nko Pinuy nko Kadmiel nko Syerepiya nko Yuda nko Mataniya chane cho kile kintöghoghi tumwöy cho pö sörö.

Tïsï: Pipö Lawi:

⁹ Kighönöy Pakpukiya nko Uno nko werkökwa pipö Lawi tumöy cho kikuru pïchay.

Monïngo Tïsin nyo Wow* Yoswö

¹⁰ Ki papoto Yoyakim Yoswö, ki papoto Elyasyip Yoyakim, ki papoto Yoyada Elyasyip

¹¹ ki papoto Yonatan Yoyada ki papoto Yadua Yonatan.

Kintöghoghi ortïna tïsï

^12-21 Kintöghoghchï ortïna tïsï pïchï ompö osiswo Yoyakim Tïsin nyo Wow: Tïsin Or Meraya Seraya Anania Yeremia Mesyulam Esra Yeoanan Amaria Yonatan Maluki Yosep Syepania Adna Arim Elkay Merayot Sakaria Ido Mesyulam Kineton Sikri Apiya ... Miniamin. Piltay Moadiya Syamua Pilka Yeonatan Syemaya Matenay Yoyarip Usi Yedaya Kalay Salay Eper Amok Asyapia Ilkia Netanel Yedaya.

Tïsin Or Kaynötut pö kori tïsï nko pipö Lawi

²² Kikikir kaynötut pö kintöghoghi ortïna pipö Lawin nko cho pö tïsï ompö osiswo Elyasyip nko Yoyada nko Yoanan nko Yadua nyo kile tïsin ntökwit paytaghpa Daryas nyo pö Pasya.

²³ Kikikirchï kaynötut pö pipö Lawi cho kile kintöghoghi korikwa kitapu Otöptino köny ntökwit osiswo Yoanan wero Elyasyip.

Tötut pö ighisyewut ompö Kö pö Tororöt*

²⁴ Kintöghoghi pipö Lawi kï: Asyapia nko Syerepiya nko Yeswö wero Kadmiel nko werkökwa cho kimi nko chane. Kïkuröy akuyodoy salat nko sörö, sörö kughonöy walaka lenyini kimwa Daudi pöytoghintö chi pö Tororöt.

²⁵ Ripi Kö pö Tororöt cho kiripöy töpoton cho kimi kukoti Kö pö Tororöt kï: Mataniya nko Pakpukiya nko Opadia nko Mesyulam nko Talmon nko Akup.

²⁶ Kipöghisyö chane ompö osiswo Yoyakim wero Yoswö wero Yosadak nko Neemia pröyönto pöytoghin nko Esra tïsin akï kikirinto kirurut.

Ketïlil Neemia nayatu kanasyan

²⁷ Otini kikitïlilöy nayatu Yerusalem, kekurï pipö Lawi löwïr kïpkana wölini kimöngöy atökemïtï chane Yerusalem ompö ichon pö kitïlilöt, ompö tumwöy cho kiyokyinegho sörö nko kwïrkwïris nko pïkantis.

²⁸ Kïghamïtï kegh werpö tumï cho pkono okumpö Yerusalem nko kestoni pipö Netopat

²⁹ akïpkana Pet Kilkal nko Kepa nko Asmapet.

³⁰ Kutïlil kegh tïsï nko pipö Lawi, atolapay kutïlil pich nko kukoti nayat nko nayatu tïkwïl.

³¹ Atolapay amïtwan kintöghoghi Yuda kïpka nayatunay akïlan söpïchis odeny cho kipetöy akusoyönisïyi. Kïwö söpïchtö anka kutang okumpö tagh Kuka Samï.

³² Kïrïp Osyaya chane nko kintöghoghi Yuda

³³ nko Asaria nko Esra nko Mesyulam

³⁴ nko Yuda nko Penchamen nko Syemaya nko Yeremia

³⁵ nko werpö tïsï walaka cho kitïng kontin. Nyoni kï Sakaria wero Yonatan wero Syemaya wero Mataniya wero Mikaya wero Sakur nyo pö ara Asap

³⁶ nko tïlyayichi, Syemaya nko Asarel nko Milalay nko Kilalay nko Maay nko Netanel nko Yuda nko Anani kimi nko kari tumwöyi Daudi chi pö Tororöt. Kuntöghoghchï chane Esra kikirintö.

³⁷ Otini kitïta Kuka Kö pö Pögh kïpa kïpus ato kïlongtegho kanasyanta Daudi ompö ato kisyolö nayat ompö kö pö Daudi okumpö kongasis ompö Kuka Pögh.

³⁸ Kïpa söpïchtö anka nyay akusoyönisïyi. Kuwit okumpö löt arïpan chane nko kareranpa pich. Kïrïp nayat kutang Pchöri Nököghon, kïparta Nayatunay Tapes

³⁹ akutang Kuka Epraim nko Kuka Köny nko Kuka Kaghagh akïnam Pchöri Ananel nko Pchöri Pokol akïlït Kuka Kechir atolapay kïpka kughyongö Kuka Ripï.

⁴⁰ Kughyongö nyu söpïchtinechoni kwodeny kiyokyini Tororöt sörö ompö Kö pö Tororöt. Kintöghoghï walaka cho kimi nko ani kï

⁴¹ tïsï cho kikutöy kontin, Elyakim nko Maaseya nko Miniamin nko Mikaya nko Elioenai nko Sakaria nko Anania.

⁴² Kirïpöy chane ompö, Maaseya nko Syemaya nko Eleasar nko Usi nko Yeoanan nko Malkicha nko Elam nko Eser. Kitum tumï cho kintöghoghchini Yesraya kelïma wölo low.

⁴³ Kitötö chane amörostin cho echön asisoni akïngörekyö, ompöwölo kegh Tororöt chane kïngörekyö nyoman. Kingörekyö korï tïkwïl nko monïng ntökelïma ngörekyononi kimi Yerusalem wölo low.

Pasani tïsï nko pipö Lawi

⁴⁴ Kikikïl pich asisoni cho kiripöy töpoton cho kimi wölo kikïrorchini pasan nko akwa cho le poretay nko kareranpa taman akïghamït chane tïkwïn cho pkono paren cho mi kanastin lenyini kimwoghöy kirurut lö pöyitu tïsï nko pipö Lawi, ompöwölo kingörekyï Yuda tïsï nko pipö Lawi cho kipöghisyechini chane.

⁴⁵ Kigh chane ighisyewut pö Tororötïngwa nko kitïlilutkö walaka. Kwigh tïkwïl tumï nko ripi Kö pö Tororöt ighisyengwa lenyini kimwa Daudi nko werïnyi Solomon.

⁴⁶ Kimi kintöghoghinto tumï akimi tumwöy cho kisölöy akusoyönöy Tororöt kïngata köny ompö osiswo Daudi nko Asap.

⁴⁷ Kitötoy pipö Israel löwïr pasan ompö osis löwïr cho pö tumï nko cho pö ripi Kö pö Tororöt ompö osiswo Serupapel nko cho pö Neemia. Kikïlchï chane ropöw pipö Lawi, atolapay kukïlchï pipö Lawi pipö ara Aron.