KIYITUT 1 - PIPÏLIA

Kiyitöto tagh ompö Israel

¹ Kïngölonchï ECHOTYON Musa ompö surkwen pö Sinay ompö Ema nyo mi ECHOTYON* ompö asispa tagh nyo pö arawa odeny könyito odeny kïngeta kïpkana chane Misri, kïlenchï,

² “Yitö pipö Israel löwïr, ompö korikwa nko ortïnekwa, iyitenyi mïrön löwïr,

³ kïngeta könyis tömönut odeny kutok, cho kikumï kïpa poryot, iyitenyi nko Aron.

⁴ Ichengenyi kirwokin akonga ompö or anka tïkwïl.

^5-16 Achï kaynötut pö ortïn nko kintöghoghikwa cho kikïkïl kwigh pöghisyonï: Or Kirwokin Rupen Elisur wero Syedeur Simion Syelumiel wero Surisyadai Yuda Nasyon wero Aminadap Isakar Netanel wero Suar Saplon Elyap wero Elon Epraim Elisyama wero Amiud Manase Kamaliel wero Pedasur Penchamen Apidan wero Kidyon Dan Aieser wero Amisyadai Asyer Pakiel wero Okran Kad Elyasap wero Deuel Naptali Aira wero Enan.”

Or Kirwokin

¹⁷ Kïcheng Musa nko Aron pïchay,

¹⁸ akïkur pipö Israel löwïr ompö asispa tagh nyo pö arawa odeny, kukir pich kïrïp kegh nko ortïnekwa nko ompö korikwa, akeyit pich cho kitïng könyis tömönut odeny kutok,

¹⁹ kïle ato kimwochï ECHOTYON Musa: kuyit nyu Musa pich ompö surkwen pö Sinay.

^20-46 Kikikir pich kïrïp kegh nko ortïnekwa nko korikwa cho kimuköy kïpa poryot, cho kitïng könyis tömönut odeny kutok. Kikitorö ara Rupen poretya Yakopo, kilata nyï kiyitötengwa: Or Kiyitöte Rupen 46,500 Simion 59,300 Kad 45,650 Yuda 74,500 Isakar 54,400 Saplon 57,400 Epraim 40,500 Manase 32,200 Penchamen 35,400 Dan 62,700 Asyer 41,500 Naptali 53,400 Löwïr: 603,550.

Or Kiyitöte Löwïr:

⁴⁷ Melö kikiyitïtö pipö Lawi ortïnekwa chinö walaka.

⁴⁸ Ompöwölo kilenchï ECHOTYON Musa,

⁴⁹ “Meyitïtö akonga pipö Lawi ato iyitenyi pich Israel.

⁵⁰ Wölo tönö Lawi kïrip Ema Santuku Muma* nko karichi löwïr, akïsïtöy Santuku muma nko tïkuchi löwïr, aikany kïmang chane kuwit Ema.

⁵¹ Otini kowuwökwa möngenkwa, pipö Lawi cho ngetöy Ema akï chane cho teköy ato omöngisyekwa ngat. Kïpöröy chi anka tïkwïl nyo sis nyo riköy Ema.

⁵² Teköy pipö Israel emenikwa kïpegha söpïchis, chi nko söpïchtanyi kïrïp kegh nko ortinekwa.

⁵³ Wölo möngöy pipö Lawi kuwit Ema Santuku Muma atökïrïp tömötöp ntökïrik chi akwigh nyölotyenyan kïpar pipö Israel.”

⁵⁴ Kwigh nyu pipö Israel le ato kimwochï ECHOTYON Musa.