ESEKEL 2 - PIPÏLIA

Kuröto Esekel

¹ kilenchanïn, “Wero chi, ngeta ghyongö omwowun ngölyon.”

² Nyini köngölonwanïn kilïtanïn mïkulöwu Tororöt akungetanïn ompö ngwïny. Alïman kïlenchanïn

³ “Wero chi, kayontinyi wölo mi pipö Israel, pich cho le penyï. Pich cho kitaghanïn le papotïnekwa cho kitaghanïn nko ye.

⁴ Oghïghe pïchï mötöwöy amötïnye kilalïyan, kayoktinyi ye wïyö lenchinö chane, lentöy Echotyon TORORÖT

⁵ kalïm anta makïlïm (ompöwölo kö pich tagh cho le tighï) kunkïtï kïnye lö kimi werkoyon nko chane.

⁶ Wölo mewagh nyo le nyi chane amekany kutimïn ngalekwa kïrkegh lata ketöninyi kwenu kato anta tokolay. Mewagh ngalekwa amekany kïmeghïn mu ato iros chane kïrkegh kö pich tagh cho le penyï.

⁷ Wölo mwochinönyi ngalechan kalïm anta makïlïm.

⁸ “Wölo nyi wero chi tera ngalechï omwowunyi melïkwï tighin le pïchï, nganya kutingu aiyam kïyï okoninyi.”

⁹ Nyini kolan aros asïwan ewu chi nyo kyonkoghwanïn kitapï nyo kikikir

¹⁰ kughïtö kitapï ompö tawunyan, kikikir mu nko patagh, kikikirchï ori ngala lok nko sönönöt nko nyörilwok.