ESEKEL 15 - PIPÏLIA

Körkeyïn nyo pö sapipïyon

¹ Kungwïnchanïn ngölyonto ECHOTYON nyo lentöy,

² “Wero chi, tïlo ne ket pö sapipu ket walaka ompö wuw?

³ Muko ketoni ketor akepöghisyeghö kegha kïgh? Anta cheng pich akwigh sökömöt nyo kiwusyini tïkwïn?

⁴ Arosa kitöni ma kilïkwï kwenta, nyiwu ne nyu ato nagh lökïr.

⁵ Kimöminye kinyiwutyö kïtomö kepel. Ye nyu kikïpel ma kuwonyö, möminye nyu kinyiwutyö nyonikïny.”

⁶ Kïlenyona lentöy Echotyon TORORÖT, “Kïle ato kïchenguno ket pö sapipïyon wuw akenagh, ochengan nyu lenyoni pich cho möngöy Yerusalem.

⁷ Otönön sitöt. Kïrökegh köchïwïtyeghö ma, wölo tökïpelöy ma chane, atonkïtunö lö ochan ECHOTYON otini kotönön chane sitöt.

⁸ Oghan kor kïlïkwï surkwen ompöwölo kaghananïn chane.” Mwoghöy Echotyon TORORÖT.